ཨ་ཅ་མེན་ནུང་གིས་ཨའེ་ཆིན་ཧའེ་ཧམ་འཛིན་བྱེད་འདོད་པས། ཁོས་ནུ་བོ་མོ་ཉེ་ལ་ཨོ་སིའི་ཆུང་མ་ཕ་ལི་སི་ཡིས་ཁྲིད་པའི་དོན་རྐྱེན་དེ་མེ་རྟ་བྱས་ནས་ཐའེ་ལོ་ཡེ་ལ་དམག་དྲངས་ནས་ཐའེ་ལོ་ཡེ་དམག་འཁྲུག་བསླངས། དམག་འཁྲུག་ཁྲོད་ཨ་ཅ་མེན་ནུང་ཀེ་རི་སེའི་རྒྱང་བསྐྱོད་དམག་གི་དམག་སྤྱི་རུ་གྱུར། ཧོ་མའི་ལོ་རྒྱུས་སྙན་ངག《ཡེ་ལི་ཡ་ཐིག》ནང་། ཀེ་རི་སེ་དང་ཐའེ་ལོ་ཡེ་གྲོང་ཁྱེར་གཉིས་ཀྱིས་ལོ་དགུ་དང་ཟླ་བཅུའི་རིང་ལ་འཐབ་འཁྲུག་བྱས་ཀྱང་རྒྱལ་ཕམ་ཐག་མ་ཆོད་ལ། སྐབས་དེར་ཀེ་རི་སེའི་དམག་དཔུང་ལ་རིམས་ནད་ཅིག་ཕོག་པས་ནང་འཁྲུག་བྱུང་། རིམས་ནད་དེ་ཀེ་རི་སེའི་དམག་དཔོན་ཨ་ཅ་མེན་ནུང་གིས་གཡོག་མོ་ཞིག་ཕྱིར་མ་སྤྲོད་པས་བྱུང་བ་ཡིན་ཞིང་། གཡོག་མོ་དེ་ནི་ཉི་མའི་ལྷ་ཨ་པོ་ལོའི་མཆོད་གཉེར་གྱི་བུ་མོ་ཡིན་ལ། ཨ་པོ་ལོའི་མཆོད་གཉེར་གྱིས་ཨ་ཅ་མེན་ནུང་ལ་བུ་མོ་ཕྱིར་སྤྲོད་པའི་རེ་བ་ཞུས་ཀྱང་ཨ་ཅ་མེན་ནུང་གིས་ཁས་མ་བླངས་པས། མཆོད་གཉེར་གྱིས་ཨ་པོ་ལོ་ལ་ཞུ་བ་ཞུས་ནས་ཀེ་རི་སེའི་དམག་དཔུང་ལ་ཆད་པ་གཅོད་ཕྱིར་རིམས་ནད་ཕོག་ཏུ་བཅུག རིམས་ནད་དེས་ཀེ་རི་སེའི་དམག་དཔུང་ལ་གནོད་སྐྱོན་ཚབས་ཆེན་ཐེབས་སུ་བཅུག་པས་ཨ་ཁ་ལིག་སིས་ཨ་ཅ་མེན་ནུང་ལ་གཡོག་མོ་དེ་ཕྱིར་སྤྲོད་དགོས་པས་རེ་བ་ཞུས། ཨ་ཅ་མེན་ནུང་གིས་ཧ་ཅང་མི་འཐད་པའི་རྣམ་འགྱུར་འོག་གཡོག་མོ་དེ་ཕྱིར་མཆོད་གཉེར་ལ་སྤྲད་མོད། འོན་ཀྱང་བདེན་པ་མིན་པའི་འོག་སྔོན་ཨ་ཁ་ལིག་སི་ལ་གནང་བའི་གཡོག་མོ་དེ་ཕྱིར་འཕྲོག་ནས་རང་ཉིད་ཀྱི་གྱོང་གུན་ལ་ཁ་གསབ་བྱས། དོན་དག་དེའི་རྐྱེན་ཨ་ཁ་ལིག་སི་ཁོང་ཁྲོ་ལངས་ནས་འཐབ་འཁྲུག་ལ་ཞུགས་པར་དང་ལེན་མ་བྱས།
ཀེ་རི་སེའི་དམག་དཔུང་ཁྲོད། ཨ་ཁ་ལིག་སི་མ་གཏོགས་ཐའེ་ལོ་ཡེ་ཡི་ཧའོ་ཁི་ཐའོ་ཨེར་གྱི་དོ་ཟླ་མི་ཡོང་། ཨ་ཁ་ལིག་སི་འཐབ་འཁྲུག་ལ་མ་ཞུགས་པའི་སྟབས་ཀྱིས་ཀེ་རི་སེ་ཡིས་ཕམ་ཁ་ཆེན་པོ་བླངས་བ་དང་། སྐབས་དེར་ཨ་ཅ་མེན་ནུང་གིས་སྔོན་ཨ་ཁ་ལིག་སི་ལ་ཁོང་ཁྲོ་བསླངས་པ་ལ་འགྱོད་པ་སྐྱེས་ནས། ཨའོ་ཏི་ཞིའུ་སི་དང་ཀེ་རི་སེའི་དམག་དཔོན་གཞན་ཞིག་མངགས་ནས་ཨ་ཁ་ལིག་སི་ལ་འགྲིག་མཐུན་བྱེད་དུ་བཅུག་མོད། འོན་ཀྱང་ཨ་ཁ་ལིག་སིའི་ཁོང་ཁྲོ་ད་དུང་ཞུ་མེད་ལ། འཐབ་འཁྲུག་ལ་ཞུགས་པར་ཁས་མ་བླངས། རྗེས་ལ་དོན་དག་གང་མང་ཞིག་བྱུང་བའི་རྐྱེན་གྱིས་ཨ་ཁ་ལིག་སི་དམག་འཁྲུག་ལ་ཞུགས་པར་ཁས་བླངས་བ་དང་ཨ་ཅ་མེན་ནུང་གིས་ཨ་ཁ་ལིག་སི་ལ་བརྟེན་ནས་ཐའེ་ལོ་ཡེ་དམག་འཁྲུག་གི་རྒྱལ་ཁ་བླངས། ཧོ་མའི་ལོ་རྒྱུས་སྙན་ངག《ཨའོ་ཏི་སའེ》ཁྲོད། ཨའོ་ཏི་ཞིའུ་སི་རྫུ་འཕྲུལ་མཁན་ཁ་ཨེར་ཁོ་ཡི་རོགས་རམ་འོག་གཤིན་རྗེའི་ཡུལ་དུ་ལམ་བར་གྱི་ལྟས་བཟང་དང་ལྟས་ངན་འདྲི་རུ་སོང་ཅིང་། གནས་དེ་རུ་ཨ་ཅ་མེན་ནུང་གི་རྣམ་ཤེས་དང་འཕྲད་ལ། སྐབས་དེར་ཨ་ཅ་མེན་ནུང་གིས༼མི་ཡུལ་ནས་གཡོག་པོ་བྱ་དགོས་རུང་གཤིན་རྗེའི་ཡུལ་གྱི་རྒྱལ་བོ་བྱེད་མི་འདོད༽ཅེས་ཀྱི་ཚོར་སྣང་བརྗོད་ཅེས་བྲིས་འདུག