ཐོག་མའི་ཞིང་ལས།
དེ་ནི་ཆེས་སྟབས་བདེ་དང་རགས་ལས་ཅན་གྱི་ཞིང་ལས་གཉེར་སྟངས་ཤིག་སྟེ། ས་རྒོད་བཏུལ་ནས་ཤིང་འབྲས་དང་ཞོག་ཁོག་ལ་སོགས་སོན་འདེབས་བྱེད་པ་ནས། འཛམ་གླིང་ཡོངས་སུ་རྒྱ་ཆེར་གནས་པའི་བསྲེགས་རྨོད་གྲིས་འདེབས་ཀྱི་ཞིང་ལས་མཐའ་དག་འདིའི་རིགས་སུ་གཏོགས་པ་ཡིན།
དམངས་ཚོང་ཁྲིམས་རིག
དམངས་ཁྲིམས་དང་ཚོང་ལས་སྐོར་གྱི་བཅའ་ཁྲིམས་ནང་དམངས་ཁྲིམས་དང་ཚོང་ལས་སྐོར་གྱི་བཅའ་ཁྲིམས་ཚུད་ཡོད། དམངས་ཁྲིམས་ལ་གཙོ་བོར་རྒྱུ་དངོས་བདག་དབང་བཅའ་ཁྲིམས། བུན་དབང་བཅའ་ཁྲིམས། མི་ལུས་བདག་དབང་བཅའ་ཁྲིམས། དབང་གནོད་བྱ་སྤྱོད་ཀྱི་བཅའ་ཁྲིམས། ཤེས་བྱའི་ཐོན་དབང་གི་བཅའ་ཁྲིམས།གཉེན་སྒྲིག་ཁྱིམ་ཚང་གི་བཅའ་ཁྲིམས། ཤུལ་འཛིན་བཅའ་ཁྲིམས་སོགས་འདུས། ཚོང་ལས་བཅའ་ཁྲིམས་གཙོ་བོ་ཀུང་སིའི་བཅའ་ཁྲིམས་དང་། ཁེ་ལས་བཅའ་ཁྲིམས། འགན་བཅོལ་བཅའ་ཁྲིམས། དངུལ་འཛིན་བཅའ་ཁྲིམས། མ་རྩ་རྡིབ་པའི་བཅའ་ཁྲིམས། མཚོ་ཐོག་ཚོང་ལས་བཅའ་ཁྲིམས་སོགས་འདུས།
དམངས་འཚོའི་དཔལ་འབྱོར་རིག་པ།
དམངས་འཚོའི་དཔལ་འབྱོར་རིག་པ་ནི་དཔལ་འབྱོར་གྱི་བྱེད་ཐབས་ལ་བརྟེན་ནས་དཔལ་འབྱོར་གྱི་ཕྱོགས་ནས་དམངས་འཚོའི་གནད་དོན་ལ་ཞིབ་འཇུག་བྱེད་པའི་རིག་ཚན་ཞིག་ཡིན།
སྤྱི་ཚོགས་རྒྱུ་ནོར།
སྤྱི་ཚོགས་རྒྱུ་ནོར་ནི་དཔལ་འབྱོར་རིག་པའི་ཐ་སྙད་ཅིག་ཡིན་ཞིང་། དེ་ནི་དངུལ་ལོར་གྱི་རྣམ་པའི་ཐོག་ནས་མཚོན་པའི་སྤྱི་ཚོགས་བྱེད་སྒོའི་མི་ཤུགས་དང་དངོས་པོ་གཏོང་འཇོག་བྱས་རྗེས་གྲུབ་པའི་སྤྱི་ཚོགས་ཀྱི་སྒྲིག་བཀོད་དང་སྒྲིག་ཆས་སྣ་ཚོགས་ལ་ཟེར།
གཉེར་སྐྱོང་མ་དངུལ།
གཉེར་སྐྱོང་མ་དངུལ་ནི་སྤྱི་ཚོགས་རིང་ལུགས་ཀྱི་ཁེ་ལས་སམ་ཡང་ན་དཔལ་འབྱོར་རྩ་འཛུགས་གཞན་དག་གིས་ཐོན་སྐྱེད་གཉེར་སྐྱོང་གི་བྱེད་སྒོ་སྤེལ་བར་སྤྱོད་པའི་མ་དངུལ་ལ་ཟེར།
མ་རྩ་ཅན་གྱི་གཉེར་སྐྱོང་།
མ་རྩ་ཅན་གྱི་གཉེར་སྐྱོང་ཞེས་པ་ནི་མ་རྩའི་རིན་ཐང་བརྟན་སྲུང་དང་འཕར་སྣོན་ཡོང་བར་དམིགས་ནས་གཉེར་སྐྱོང་དོ་དམ་བྱེད་པ་དང་། མ་རྩའི་ཁེ་འབབ་དེ་དོ་དམ་གྱི་སྲོག་ཤིང་དུ་བརྩིས་ནས་མ་རྩའི་ཁེ་སྤོགས་ནུས་པ་ལེགས་སུ་གཏོང་བ་མངོན་འགྱུར་བྱེད་པ་ཡིན་ལ། ཁེ་ལས་ཀྱི་རྒྱུ་ནོར་གང་འགབ་ཅི་སྤྱོད་བྱེད་པའང་མཚོན་ཡོད།
ལས་སྒོའི་དཔེ་དབྱིབས་བསྐྱར་སྒྲིག
ཁེ་ལས་མང་པོ་ཞིག་གིས་ལས་སྒོའི་བརྒྱུད་རིམ་བསྐྱར་སྒྲིག(BPR)ནི་ཆ་འཕྲིན་ལག་རྩལ་གྱི་ཕན་ནུས་འདོན་སྤེལ་བྱས་པ་མ་ཟད་དོ་དམ་ཆུ་ཚད་མངོན་གསལ་དོད་པོས་མཐོ་རུ་གཏོང་བའི་ལག་ཆ་ནུས་ལྡན་ཞིག་ཡིན་པའི་ངོས་འཛིན་བྱས་ཡོད། འོན་ཀྱང་ཚོང་འགྲུལ་པའི་རེ་སྒུག་ཆེ་རུ་འགྲོ་བ་དང་འགྲན་རྩོད་ཉིན་རེ་བཞིན་ཛ་དྲག་ཏུ་འགྲོ་བ་དང་བསྟུན་ནས་ལས་སྒོའི་བརྒྱུད་རིམ་ཁོ་ནའི་ཐད་ལེགས་སྒྱུར་བྱ་བ་གཏན་ནས་འདང་གི་མེད། སྔོན་ཐོན་ཁེ་ལས་ཁག་གཅིག་གིས་ཆ་འཕྲིན་ལག་རྩལ་གྱི་བཀོལ་སྤྱོད་མཐོ་ཚད་གསར་བ་ཞིག་ཏུ་མཐོ་རུ་བཏང་བ་མ་ཟད། བརྒྱུད་རིམ་ཧྲིལ་བོའི་མཁོ་སྤྲོད་སྦྲེལ་ཐག་ལ་ཕྱོགས་པའི་ལས་སྒོའི་རྣམ་པ་བསྐྱར་སྒྲིག་བྱེད་བཞིན་ཡོད། BMRཚོང་ཤག་གི་དགོས་མཁོའི་འགྱུར་ལྡོག་དང་ལས་སྒོའི་རྣམ་པ་རིམ་འགྱུར་གྱི་འཕེལ་ཕྱོགས་དང་བསྟུན་ནས་ལས་སྒོའི་བརྒྱུད་རིམ་བསྐྱར་སྒྲིག་བྱ་བ་ལྟེ་བར་བྱེད་པ་དང་། ཆ་འཕྲིན་ལག་རྩལ་སྒུལ་ཤུགས་སུ་བྱེད་པ། དོ་དམ་འཕོ་འགྱུར་དང་ཆ་འཕྲིན་ཅན་དུ་འགྱུར་བ་བཅས་བརྒྱུད་དེ་ཁེ་ལས་ལ་འཕེལ་རྒྱས་ཀྱི་བར་སྟོང་གསར་བ་བཏོད་པ་དང་འགྲན་རྩོད་ཀྱི་ལེགས་ཆ་གསར་བ་བསྐྲུན་པ་ཡིན་པས། BMRནི་ཁེ་ལས་ཀྱིས་འཐབ་ཇུས་ཀྱི་ངོས་ནས་ལས་སྒོའི་མ་དཔེ་ལ་གཞིགས་ནས་བཟོས་པའི་གསར་གཏོད་དང་འཕོ་འགྱུར་བྱུང་བ་ཞིག་ཡིན་པ་དང་། ཁེ་ལས་ཀྱི་འགྲན་རྩོད་ནུས་པ་དང་གྲུབ་འབྲས་ལ་ཐེབས་པའི་ཤུགས་རྐྱེན་ནི་ལས་སྒོའི་བརྒྱུད་རིམ་བསྐྱར་སྒྲིག་ལས་ཧ་ཅང་ཆེ་བ་ཡོད། ཚོང་འགྲུལ་པའི་དགོས་མཁོར་བསམ་ཤེས་དང་བརྩི་འཇོག་བྱེད་པ་ནིBMRལེགས་གྲུབ་བྱུང་བའི་རྨང་གཞི་ཡིན་པ་དང་། ཆ་འཕྲིན་ལག་རྩལ་ནིBMRལེགས་གྲུབ་བྱུང་བའི་ཆ་རྐྱེན་ཡིན་པ། ལས་སྒོའི་བརྒྱུད་རིམ་བསྐྱར་སྒྲིག་བྱེད་པ་ནིBMRལེགས་གྲུབ་བྱུང་བའི་འགན་ལེན་ཡིན།
མཉམ་ལས་གཉིས་ཕན།
མཉམ་ལས་གཉིས་ཕན་ནི་ཉོ་ཚོང་ཕྱོགས་གཉིས་ཀའམ་ཡང་ན་མཉམ་སྒྲུབ་ཕྱོགས་གཉིས་ཀའམ་ཡང་ན་ཕྱོགས་མང་པོས་ཉོ་ཚོང་བྱེད་སྒོ་ཞིག་ལེགས་འགྲུབ་བྱེད་པའམ་ཡང་ན་ལས་འགན་གཅིག་འཁུར་བའི་བརྒྱུད་རིམ་ཁྲོད་གཉིས་ཕན་དང་ཆར་པ་ཆུ་གྲོགས་བྱས་ཏེ་ཕྱོགས་གཉིས་ཀའམ་ཕྱོགས་མང་པོའི་ཐུན་མོང་གི་ཁེ་ཕན་མངོན་འགྱུར་བྱེད་ཐུབ་པ་ལ་ཟེར།
མཉམ་ལས་འགྲན་རྩོད།
མཉམ་ལས་འགྲན་རྩོད་ནི་འགྲན་ཞུགས་མཁན་ཁག་གཅིག་གིས་མནའ་མཐུན་དང་མཉམ་ལས་ཀྱི་བྱེད་ཐབས་ཐོག་ནས་སྤེལ་བའི་འགྲན་རྩོད་ལ་ཟེར།
ས་ཞིང་མཉམ་ལས་ཁང་།
ས་ཞིང་མཉམ་ལས་ཁང་ནི་གྲོང་གསེབ་ཀྱི་ས་ཞིང་འགན་གཙང་བླངས་ནས་གཉེར་སྐྱོང་བྱེད་དབང་ལོངས་སུ་སྤྱོད་པའི་ཞིང་དུད་དང་ཞིང་ལས་ཐོན་སྐྱེད་གཉེར་སྐྱོང་བྱེད་པའི་ཐུན་མོང་རྩ་འཛུགས་ཤིག་ཡིན་ཞིང་། ས་ཞིང་གི་གཉེར་སྐྱོང་དབང་ཆ་མ་རྐང་དུ་འཇོག་པ་དང་། རྨོ་ཚབ་བྱེད་པ་སོགས་འཁོར་རྒྱུག་བྱེད་སྟངས་ལ་བརྟེན་ནས་གཅིག་བསྡུས་གཅིག་གྱུར་གྱིས་འཆར་འགོད་དང་གཅིག་གྱུར་གྱིས་གཉེར་སྐྱོང་བྱེད་པའི་གྲོང་གསེབ་ཀྱི་རོགས་རེས་རང་བཞིན་གྱི་མཉམ་ལས་དཔལ་འབྱོར་རྩ་འཛུགས་ཤིག་ཡིན།
ས་ཞིང་མ་རྐང་མཉམ་ལས་ཁང་།
ས་ཞིང་མ་རྐང་མཉམ་ལས་ཁང་ནི་ཞིང་དུད་ཀྱིས་གྲོང་གསེབ་ཀྱི་ས་ཞིང་འགན་གཙང་ལེན་གཉེར་སྐྱོང་དབང་ཆ་ཞེས་པའི་མཉམ་ལས་ཁང་གི་མ་རྐང་དུ་བཞག་ནས་ས་ཞིང་འགན་གཙང་ལེན་གཉེར་སྐྱོང་དབང་ཆ་དེ་རྐང་དབང་དུ་བསྒྱུར་ནས་ཞིང་པ་མ་རྐང་འཇོག་མཁན་དུ་བསྒྱུར་བ་ཡིན།
ནགས་ལས་ཆེད་ལས་མཉམ་ལས་ཁང་།
ནགས་ལས་ཆེད་ལས་མཉམ་ལས་ཁང་ནི་ཞིང་པའི་ཆེད་ལས་མཉམ་ལས་ཁང་གི་རྣམ་པ་ཞིག་ཡིན་ལ། ཐུན་མོང་གི་ནགས་ས་དང་ནགས་ཤིང་ཁྱིམ་ཚང་གིས་འགན་གཙང་བླངས་ནས་གཉེར་སྐྱོང་བྱེད་པའི་རྨང་གཞིའི་སྟེང་། རིགས་གཅིག་པའི་ནགས་ལས་ཐོན་རྫས་ཐོན་སྐྱེད་དང་གཉེར་སྐྱོང་བྱེད་མཁན་ནམ་ཡང་ན་རིགས་གཅིག་པའི་ནགས་ལས་ཐོན་སྐྱེད་གཉེར་སྐྱོང་ཞབས་ཞུ་འདོན་སྤྲོད་བྱེད་མཁན་དང་བེད་སྤྱོད་བྱེད་མཁན། རང་མོས་མཉམ་འབྲེལ་དང་དམངས་གཙོའི་དོ་དམ་བྱེད་པའི་རོགས་རེས་རང་བཞིན་གྱི་དཔལ་འབྱོར་རྩ་འཛུགས་ཤིག་ཡིན།
ལས་རིགས་རྩ་འཛུགས།
ལས་རིགས་རྩ་འཛུགས་ཞེས་པ་ནི་སྲིད་འཛིན་བྱ་ཡུལ་གྱི་སྤྱི་དམངས་དང་། ཁྲིམས་མིའམ་ཡང་ན་རྩ་འཛུགས་གཞན་དག་གིས་རང་མོས་ཀྱི་རྨང་གཞིའི་ཐོག་ཐུན་མོང་གི་ཁེ་ཕན་གྱི་དགོས་མཁོར་གཞིགས་ནས་གྲུབ་པའི་དམངས་ཁྲོད་རང་བཞིན་དང་ཁེ་གཉེར་རང་བཞིན་མིན་པའི་སྤྱི་ཚོགས་ཀྱི་ཚོགས་པ་ཞིག་ལ་ཟེར།
སྐྱེ་ཁམས་མུ་ཁྱུད།
ཚོང་ལས་སྐྱེ་ཁམས་མུ་ཁྱུད་ཅེས་པ་ནི་ཚོང་ལས་བྱ་འགུལ་ཁེ་ཕན་དང་འབྲེལ་བ་ཡོད་པ་དག་གིས་མཉམ་དུ་བསྐྲུན་པའི་རིན་ཐང་ཅན་གྱི་སྟེགས་བུ་ཞིག་གོ།
ཡུལ་ཁོངས་དར་སྤེལ་འཆར་གཞི།
ཡུལ་ཁོངས་དར་སྤེལ་འཆར་གཞི་ནི་རང་རྒྱལ་གྱི་ཡུལ་ཁོངས་རང་བཞིན་གྱི་དར་སྤེལ་འཆར་འགོད་ཇུས་གཞི་ལ་གོ།
ཚན་རིག་ལག་རྩལ་མཚན་ཉིད་རིག་པ།
ཚན་རིག་ལག་རྩལ་མཚན་ཉིད་རིག་པ་ནི་མཚན་ཉིད་རིག་པའི་ཡན་ལག་གི་རིག་གཞུང་ཚན་ཁག་གལ་ཆེན་ཞིག་ཡིན་ཞིང་། རང་བྱུང་ཁམས་ཀྱི་སྤྱིར་བཏང་གི་ཆོས་ཉིད་དང་ཚན་རིག་ལག་རྩལ་གྱི་བྱེད་སྒོ་སྤེལ་བའི་གཞི་རྩའི་བྱེད་ཐབས། ཚན་རིག་ལག་རྩལ་དང་དེའི་འཕེལ་རྒྱས་ཁྲོད་ཀྱི་མཚན་ཉིད་རིག་པའི་གནད་དོན། ཚན་རིག་ལག་རྩལ་དང་སྤྱི་ཚོགས་བར་ཕན་ཚུན་ནུས་པ་ཐོན་རེས་བྱེད་པ་སོགས་ཀྱི་ནང་དོན་ལ་ཞིབ་འཇུག་བྱ་རྒྱུ་གཙོ་བོར་བཟུང་ཡོད།
སྤྱི་ཚོགས་རིང་ལུགས་ཀྱི་ནོར་སྲིད་རིག་པ།
སྤྱི་ཚོགས་རིང་ལུགས་ཀྱི་ནོར་སྲིད་རིག་པ་ནི་སྤྱི་ཚོགས་རིང་ལུགས་རྒྱལ་ཁབ་ཀྱི་ནོར་སྲིད་བགོ་བཤའི་བྱེད་སྒོ་དང་དེས་མཚོན་པའི་བགོ་བཤའི་འབྲེལ་བ་ཞིབ་འཇུག་བྱ་ཡུལ་དུ་བྱས་ཏེ། རྒྱལ་ཁབ་ཀྱིས་དེའི་འགན་ནུས་མངོན་འགྱུར་བྱེད་ཆེད། བཙན་ཤེད་དང་རིན་མེད་ཀྱིས་སྤྱི་ཚོགས་ཐོན་རྫས་ཀྱི་རིན་ཐང་གྲུབ་པའི་བགོ་བཤའ་དང་དེ་ལས་གྲུབ་པའི་བགོ་བཤའི་འབྲེལ་བར་ཞུགས་པའི་རིག་ཚན་ཞིག་ཡིན། སྤྱི་ཚོགས་རིང་ལུགས་ཀྱི་ནོར་སྲིད་རིག་པས་སྤྱི་ཚོགས་རིང་ལུགས་ཀྱི་ནོར་སྲིད་ལག་ལེན་ལ་རིགས་པའི་གཞུང་ལུགས་ཀྱི་གཞི་འཛིན་ས་མཁོ་འདོན་བྱས་ཡོད།
ལས་གནས་ཀྱི་སྟབས་བདེ།
ལས་གནས་ཀྱི་སྟབས་བདེ་ཞེས་པ་ནི་རང་ཉིད་ཀྱི་འགན་དབང་གི་ཁྱབ་ཁོངས་ནང་ངམ་ཡང་ན་ལས་འགན་སྒྲུབ་པའི་དབང་གིས་སྡེ་ཚན་གྱི་མ་དངུལ་དང་ཡང་ན་དངུལ་བཅོལ་མཁན་གྱི་མ་དངུལ་སོགས་ཀྱི་དབང་ཆ་ཐོན་པར་ཟེར། རང་རྒྱལ་དུ་ད་ལྟ་སྤྱོད་བཞིན་པའི་ཉེས་ཁྲིམས་ནང་ལྐོག་ཟ་དང་། ལྐོག་རྔན་ལེན་པའི་ཉེས་པ། ལས་གནས་བཙན་བཟུང་གི་ཉེས་པ། གཞུང་དངུལ་སྒེར་སྤྱོད་ཀྱི་ཉེས་པ་སོགས་ཉེས་གསོག་གི་གྲུབ་ཚུལ་ཚང་མ“ལས་གནས་ཀྱི་སྟབས་བདེ་སྤྱད་ནས”ཕྱི་རོལ་ཡུལ་གྱི་དགོས་ངེས་ཀྱི་ཆ་རྐྱེན་གལ་ཆེན་ཞིག་ཏུ་བརྩི་གི་ཡོད། བྱ་སྤྱོད་སྤེལ་མཁན་གྱིས་ལས་གནས་ཀྱི་སྟབས་བདེ་སྤྱད་ཡོད་མེད་ཇི་ལྟར་ངོས་འཛིན་བྱ་རྒྱུ་དང་། དེ་ལས་ཀའི་ཐོག་ཆགས་པའི་སྟབས་བདེའི་ཆ་རྐྱེན་དང་ཁྱད་པར་ཇི་ལྟར་འབྱེད་པ་དང་། ཉེས་མིང་དང་། བྱས་ཉེས་བསགས་མིན་དང་། བྱས་ཉེས་འདི་དང་བྱས་ཉེས་གཞན་གཉིས་དབྱེ་འབྱེད་བྱེད་པའི་གནད་འགག་ཅིག་ཡིན་ལ། ཁྲིམས་འཛིན་ལག་ལེན་ཁྲོད་ཀྱི་རྩོད་གཞི་ཆེ་ཤོས་ལྡན་པའི་དཀའ་གནད་ཅིག་ཀྱང་ཡིན།
གཙོ་གནད་འཛུགས་སྐྲུན་རྣམ་གྲངས།
གཙོ་གནད་འཛུགས་སྐྲུན་རྣམ་གྲངས་ཀྱི་བསྡུས་མིང་ལ“གཙོ་གནད་རྣམ་གྲངས”དང“གཙོ་གནད་ལས་གྲྭ”ཞེས་བརྗོད་ཀྱིན་ཡོད། དེ་ནི་རྒྱལ་དམངས་དཔལ་འབྱོར་ཧྲིལ་པོའི་འཕེལ་རྒྱས་ལ་འགག་རྩའི་ནུས་པ་ཐོན་གྱི་ཡོད་པ་དང་། ཐོན་སྐྱེད་འཕེལ་རྒྱས་དང་མི་དམངས་ཀྱི་འཚོ་བ་ལེགས་བཅོས་བྱེད་པར་དགོས་མཁོ་ཆེ་བའི་འཛུགས་སྐྲུན་རྣམ་གྲངས་ཤིག་ཡིན། དེ་ནི་གསར་དུ་བསྐྲུན་པའི་ངོ་བོ་ཙམ་མ་ཡིན་པར། བཅོས་སྐྲུན་དང་། རྒྱས་སྐྲུན། ལག་རྩལ་ཆེ་གྲས་བསྒྱུར་བཀོད་སོགས་ཀྱི་ངོ་བོ་ལྡན་པའི་རྣམ་གྲངས་ཚང་མ་གཙོ་གནད་རྣམ་གྲངས་སུ་འགྱུར་ཆོག གཙོ་གནད་རྣམ་གྲངས་ལ་སྤྱི་ཁོག་གི་ཕན་འབྲས་མངོན་གསལ་དོད་པ་དང་། ལས་ཡུན་གྱི་དགོས་གཏུག་ཆེ་བ། མ་འཇོག་བྱེད་ཚད་ཅུང་ཆེ་བ། དེ་བཞིན་འབྲེལ་ཡོད་རྣམ་གྲངས་ཚོགས་པའི་ལྟེ་གནས་སུ་གནས་པ་སོགས་ཀྱི་ཁྱད་ཆོས་ལྡན་ཡོད། དུས་སྐབས་ངེས་ཅན་ཞིག་གི་རྒྱལ་སྟོབས་ལ་ཚད་ཡོད་པས། འཛུགས་སྐྲུན་གྱི་རྣམ་གྲངས་བཀོད་སྒྲིག་བྱེད་སྐབས་ངེས་པར་དུ་ལྕི་ཡང་དང་དལ་བྲེལ་གྱི་དབྱེ་བ་འབྱེད་པ་དང་། དགོས་ངེས་ཀྱི་སྟོབས་ཤུགས་གཅིག་ཏུ་བསྡུས་ནས་སྔོན་ལ་རྣམ་གྲངས་གལ་ཆེན་བཀོད་སྒྲིག་བྱ་དགོས།
ཁེ་ལས་ཀྱི་གསར་གཏོད་བྱ་སྤྱོད།
ཁེ་ལས་ཀྱི་གསར་གཏོད་བྱ་སྤྱོད་ཅེས་པ་ནི་ཁེ་ལས་ཀྱིས་འགྲན་རྩོད་ཁྲོད་གནས་བབ་ཡག་པོ་འཛིན་པའི་ཆེད་དུ་ཐོན་རྫས་གསར་བ་ནང་འདྲེན་དང་། ཐོན་སྐྱེད་བྱེད་ཐབས་གསར་བ་སྤྱོད་པ། ཚོང་ར་གསར་བ་གཏོད་པ། མ་བཅོས་རྒྱུ་ཆ་ཐོབ་པ་བཅས་ཀྱི་འབྱུང་ཁུངས་གསར་བ་དང་། ཁེ་ལས་སྒྲིག་འཛུགས་ཀྱི་རྣམ་པ་གསར་བ་ལག་བསྟར་བྱས་པ་བརྒྱུད་དེ་ཁེ་སྤོགས་ཚད་བརྒལ་ཐོབ་པའི་བྱ་སྤྱོད་ལ་ཟེར།
ཁེ་ལས་ཀྱི་ལག་རྩལ་གསར་གཏོད།
ཁེ་ལས་ཀྱི་ལག་རྩལ་གསར་གཏོད་དང་། ཁེ་ལས་ཤིག་གིས་ཐོན་རྫས་གསར་བ་ཞིག་ཐོན་སྐྱེད་བྱེད་པའམ་ཡང་ན་ཞབས་ཞུ་གསར་བ་ཞིག་མཁོ་འདོན་བྱེད་པ། ཡང་ན་ཐབས་ཤེས་གསར་བ་ཞིག་སྤྱོད་པ། ཡང་ན་བཟོ་རྩལ་གསར་བ་ཞིག་སྤྱོད་པ་སྟེ། ལག་རྩལ་གང་ཞིག་གི་འགྱུར་ལྡོག་མངོན་འགྱུར་བྱེད་པའི་བྱ་སྤྱོད་ལ་ཟེར།
ཁེ་ལས་ཀྱི་གསར་གཏོད་མ་ལག
ཁེ་ལས་ཀྱི་གསར་གཏོད་མ་ལག（corporate innovation system）ནི་སྤྱི་ལོ2016ལོར་ཁྱབ་བསྒྲགས་བྱས་པའི་དོ་དམ་ཚན་རིག་ལག་རྩལ་གྱི་ཐ་སྙད་ཅིག་རེད།
ཁེ་ལས་ཀྱི་ལག་རྩལ་གསར་གཏོད་བྱེད་ནུས་ཆེ་རུ་གཏོང་དགོས།
ཁེ་ལས་ཀྱི་ལག་རྩལ་གསར་གཏོད་བྱེད་ནུས་ཆེ་རུ་གཏོང་བ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བའི་ལོ་ལྔའི་འཆར་འགོད་བཅུ་བཞི་བ་དང་སྤྱི་ལོ2035ལོའི་རྒྱང་རིང་གི་དམིགས་འབེན་རྩ་གནད་ལས་བྱུང་བའི་དཔལ་འབྱོར་གྱི་ཐ་སྙད་ཅིག་ཡིན།
ཐོན་སྐྱེད་འབྲེལ་བའི་སྒྲིག་གཞི།
མི་རྣམས་ཀྱིས་དངོས་པོའི་རྒྱུ་ཆ་ཐོན་སྐྱེད་བྱེད་པའི་གོ་རིམ་ཁྲོད་གྲུབ་པའི་སྤྱི་ཚོགས་ཀྱི་འབྲེལ་བར་ཐོན་སྐྱེད་འབྲེལ་བའི་སྒྲིག་གཞི་ཟེར་ཞིང་། དེ་ནི་ཐོན་སྐྱེད་བྱེད་སྟངས་ཀྱི་སྤྱི་ཚོགས་རྣམ་པ་ཡིན་ལ། དེར་སྤྱི་ཚོགས་ཀྱི་ཐོན་སྐྱེད་འབྲེལ་བ་དང་དཔལ་འབྱོར་འབྲེལ་བ་ཡང་ཟེར།
ཚད་གཞི་མཐོ་བའི་ཚོང་རའི་མ་ལག་འཛུགས་སྐྲུན།
ཚད་གཞི་མཐོ་བའི་ཚོང་རའི་མ་ལག་འཛུགས་སྐྲུན་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་འགོད་བཅུ་བཞི་བ་དང་སྤྱི་ལོ2035ལོའི་རྒྱང་རིང་གི་དམིགས་འབེན་རྩ་གནད་ལས་བྱུང་བའི་དཔལ་འབྱོར་གྱི་ཐ་སྙད་ཅིག་རེད།
གཞི་རྩའི་ཞིང་ཁ་སྲུང་སྐྱོང་།
གཞི་རྩའི་ཞིང་ཁ་སྲུང་སྐྱོང་ཞེས་པ་ནི་དུས་སྐབས་ངེས་ཅན་ཞིག་གི་མི་འབོར་དང་རྒྱལ་དམངས་དཔལ་འབྱོར་གྱི་འཕེལ་རྒྱས་ཀྱིས་ཞིང་ལས་ཐོན་རྫས་ཀྱི་དགོས་མཁོ་དང་དེ་བཞིན་འཛུགས་སྐྲུན་ལ་མཁོ་བའི་ས་ཆའི་སྔོན་དཔག་ལ་གཞིགས་ནས་དུས་ཡུན་རིང་བོར་བཟུང་སྤྱོད་བྱས་མི་ཆོག་པའི་རྨོ་ཞིང་ལ་ཁྲིམས་ལྟར་སྲུང་སྐྱོང་བྱེད་པའི་ས་ཆའི་སྲིད་འཛིན་བྱེད་ཐབས་ཤིག་ལ་ཟེར། གཞི་རྩའི་ཞིང་ཁ་སྲུང་སྐྱོང་བྱ་ཡུལ་ནི། རྒྱལ་སྲིད་སྤྱི་ཁྱབ་ཁང་གི་འབྲེལ་ཡོད་གཙོ་སྐྱོང་སྡེ་ཁག་དང་རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་ཆོག་མཆན་གནང་ནས་གཏན་འཁེལ་བྱས་པའི་འབྲུ་རིགས་དང་། སྲིང་བལ། སྣུམ་བཅས་དང་། ཁྱད་ལྡན་གྱི་ཞིང་ལས་ཐོན་རྫས་གསར་བ་བཅས་ཀྱི་ཐོན་སྐྱེད་རྟེན་གཞི་དང་། ཐོན་འབབ་ཆེ་བ་དང་། ཐོན་འབབ་བརྟན་པོ། ཆུ་བེད་དང་ས་ཆུ་སྲུང་འཛིན་སྒྲིག་བཀོད་ལེགས་པོ་བཅས་ཡོད་པའི་རྨོ་ཞིང་དང་དེ་བཞིན་བཅོས་སྐྱོང་བྱས་པ་བརྒྱུད་དེ་བསྒྱུར་བཀོད་ཀྱི་འཆར་གཞི་ལག་ལེན་བསྟར་བཞིན་པའི་ཐོན་འབབ་འབྲིང་བ་དང་དམའ་བའི་ཞིང་ཁ་བསྒྱུར་བཀོད་བྱེད་བཞིན་པ། གྲོང་ཁྱེར་ཆེ་འབྲིང་གི་སྔོ་ཚལ་ཐོན་སྐྱེད་རྟེན་གཞི། ཞིང་ལས་ཚན་རིག་ཞིབ་འཇུག་དང་སློབ་ཁྲིད་ཚོད་ལྟའི་ཞིང་ཁ། ཞིང་ཆེན་རིམ་པ་ཡན་གྱི་མི་དམངས་སྲིད་གཞུང་གིས་གཏན་འཁེལ་བྱས་པའི་ཞིང་ལས་ཐོན་སྐྱེད་རྟེན་གཞི་གཞན་དག་བཅས་སོ།
བདེ་འཇགས་ཐོན་སྐྱེད་ཚད་ལྡན་ཅན་གྱི་ཚད་ལོན་མཉེན་ཆས།
བདེ་འཇགས་ཐོན་སྐྱེད་ཚད་ལྡན་ཅན་གྱི་དོ་དམ་མཉེན་ཆས་ནི་རྒྱལ་ཁབ་བདེ་འཇགས་ཐོན་སྐྱེད་ཚད་ལྡན་ཅན་གྱི་རིམ་པ Aཅན་གྱི་རྒྱུ་རྐྱེན་གཙོ་བོ་བཅུ་གསུམ་ལས་སྒོའི་མཛུབ་སྟོན་དུ་བྱས་ཏེ། ཁེ་ལས་དོ་དམ་གྱི་དོན་དངོས་དང་ཟུང་འབྲེལ་བྱས་ནས་སྟབས་བསྟུན་རང་བཞིན་གྱི་བཀོད་སྒྲིག་འབོར་ཆེན་བྱས་ནས་ལས་རིགས་མི་འདྲ་བ་དང་ཁེ་ལས་མི་འདྲ་བའི་དོ་དམ་གྱི་དགོས་མཁོ་དང་འཚམ་པ་བྱས་ཡོད།
ཉེན་མེད་ཐོན་སྐྱེད་ཚད་ལྡན་ཅན་གྱི་ཡིག་ཆའི་དཔེ་མཚོན།
《ཉེན་མེད་ཐོན་སྐྱེད་ཚད་ལྡན་ཅན་གྱི་ཡིག་ཆའི་དཔེ་སྟོན》ནི་སྤྱི་ལོ2012ལོའི་ཟླ3པར་གནམ་གཤིས་དཔེ་སྐྲུན་ཁང་གིས་དཔེ་སྐྲུན་བྱས་པའི་དཔེ་དེབ་ཅིག་ཡིན་པ་དང་རྩོམ་པ་པོ་ནི་སུང་ཏཱ་ཁྲེང་ཡིན། དེབ་འདིའི་ནང་གཙོ་བོ་ཉེན་མེད་ཐོན་སྐྱེད་ཀྱི་བརྒྱུད་རིམ་ཇི་ལྟར་ཚད་ལྡན་བཀོལ་སྤྱོད་བྱེད་པ་སོགས་ཀྱི་ནང་དོན་བརྗོད་ཡོད།
ཁེ་ལས་ཀྱི་ཉེན་མེད་ཐོན་སྐྱེད་ཚད་ལྡན་ཅན་དུ་འགྱུར་བའི་འཛུགས་སྐྲུན་ཕྱོགས་སྟོན།
《ཁེ་ལས་ཀྱི་ཉེན་མེད་ཐོན་སྐྱེད་ཚད་ལྡན་ཅན་དུ་འགྱུར་བའི་འཛུགས་སྐྲུན་ཕྱོགས་སྟོན》ནི་སྤྱི་ལོ2018ལོའི་ཀྲུང་གོའི་ངལ་རྩོལ་སྤྱི་ཚོགས་འགན་སྲུང་དཔེ་སྐྲུན་ཁང་གིས་དཔེ་སྐྲུན་བྱས་པའི་དཔེ་དེབ་ཅིག་ཡིན་པ་དང་རྩོམ་པ་པོ་ནི་དབྱང་ཡུང་ཡིན།
ཉེན་མེད་ཐོན་སྐྱེད་ཀྱི་སྦྱར་ཡིག
“ཉེན་མེད་ཐོན་སྐྱེད”ཅེས་པ་ནི་ཐོན་སྐྱེད་གཉེར་སྐྱོང་གི་བྱེད་སྒོའི་ནང་མིར་གནོད་འཚེ་དང་རྒྱུ་ནོར་ལ་གྱོང་གུན་བཟོ་བའི་ལས་འཛོལ་མི་ཡོང་བའི་ཆེད་དུ་དེ་མཚུངས་ཀྱི་ལས་འཛོལ་སྔོན་འགོག་དང་ཚོད་འཛིན་བྱ་ཐབས་སྤྱད་དེ་ལས་གཉེར་མི་སྣའི་མི་ལུས་བདེ་འཇགས་འགན་ལེན་དང་ཐོན་སྐྱེད་གཉེར་སྐྱོང་བྱེད་སྒོ་བདེ་བླག་ངང་སྤེལ་ཐུབ་པའི་འབྲེལ་ཡོད་བྱེད་སྒོར་ཟེར། ཁེ་ལས་ཀྱིས་ལས་བཟོ་བའི་བདེ་འཇགས་འདུ་ཤེས་མཐོར་འདེགས་གཏོང་ཆེད། ལས་སྒྲུབ་བྱེད་སའི་མཐའ་འཁོར་དུ་ཉེན་མེད་ཐོན་སྐྱེད་སྐོར་གྱི་དྲིལ་བསྒྲགས་རི་མོ་སྦྱར་ཡོད་ལ། ཉེན་མེད་ཐོན་སྐྱེད་ཀྱི་སྦྱར་ཡིག་དང་ཉེན་མེད་ཐོན་སྐྱེད་ཀྱི་འབོད་ཚིག མེ་ཟོན་བདེ་འཇགས་ཀྱི་སྦྱར་ཡིག་སོགས་ཀྱང་ཟེར།
| དཔལ་འབྱོར་སྤྱི་ཚོགས་རིག་པ། བརྡ་འགྲེལ 42 ཡོད། |