བྱིས་པའི་ཚ་བ་སེལ་ཐབས།
ཀྲུང་ལུགས་གསོ་རིག་པའི་གཞུང་ལ་བསྟེན་ནས་བྱིས་པའི་ཚ་བ་སེལ་བའི་ཀྲུང་ལུགས་གསོ་རིག་གི་གསོ་བཅོས་བྱེད་ཐབས་ཤིག་ཡིན།
སྔོན་འགོག་གསོ་རིག
སྔོན་འགོག་གི་གསོ་རིག་ནི་གསོ་རིག་ཚན་རིག་གི་མ་ལག་ནས་ཁ་གྱེས་ཤིང་། ནད་ཀྱི་གནོད་པ་སྔོན་འགོག་དང་རྩ་མེད་གཏོང་བར་ཞིབ་འཇུག་བྱེད་པ་དང་། འཕྲོད་བསྟེན་ལ་དོ་སྣང་བྱེད་པ། གཟུགས་གཞི་ཇེ་ཐང་དུ་གཏོང་བ། བདེ་ཐང་ལ་ཕན་པའི་ཐོན་སྐྱེད་ཁོར་ཡུག་དང་འཚོ་བའི་ཆ་རྐྱེན་ལེགས་བཅོས་དང་གསར་སྐྲུན་བྱེད་པའི་ཚན་རིག་ཅིག་ཡིན།
དམིགས་བསལ་གསོ་རིག
དམིགས་བསལ་གསོ་རིག་ནི་གསོ་རིག་གི་ཁོངས་སུ་གཏོགས་པའི་རིམ་པ་དང་པོའི་རིག་ཚན་ཞིག་ཡིན་པ་དང་། གསོ་རིག་ཕྲ་མཐོང་དང་ཆེ་མཐོང་ཕྱོགས་གཉིས་སུ་འཕེལ་རྒྱས་མགྱོགས་པོ་བྱུང་སྟེ་གསོ་རིག་རིག་ཚན་བར་ཁ་གྱེས་དང་སྣོལ་འདྲེས་མཉམ་དུ་སྤེལ་བའི་འཕེལ་ཕྱོགས་འོག་རྨང་གཞིའི་གསོ་རིག་དང་། ནད་ཐོག་གསོ་རིག སྤྱི་པའི་འཕྲོད་བསྟེན་སོགས་ཀྱི་འབྲེལ་ཡོད་ཞིབ་འཇུག་ཁ་ཕྱོགས་བསྡུ་སྒྲིལ་བྱས་ནས་གྲུབ་པའི་ཁྱད་ལྡན་རིག་ཚན་ཞིག་ཡིན།
སྨན་རྫས་རིག་པ།
སྨན་རྫས་རིག་པའི་ཆེད་ལས་ནི་སྨན་རྫས་རིག་པའི་རིག་ཚན་གྱི་གཞི་རྩའི་གཞུང་ལུགས་དང་། གཞི་རྩའི་ཤེས་བྱ། ཚོད་ལྟའི་ནུས་རྩལ་བཅས་ལྡན་ཞིང་། སྨན་རྫས་ཐོན་སྐྱེད་དང་། ཞིབ་བཤེར། འཁོར་རྒྱུག བེད་སྤྱོད། ཞིབ་འཇུག་དང་གསར་སྤེལ་བཅས་ཀྱི་ཁྱབ་ཁོངས་སུ་གསལ་འབྱེད་དང་། སྨན་རྫས་ཇུས་འགོད། སྤྱིར་བཏང་གི་སྨན་རྫས། ནད་ཐོག་སྨན་བཅོས་ལུགས་མཐུན་སྨན་སྤྱོད་སོགས་ཀྱི་ལས་ཀ་བྱེད་ཐུབ་པའི་མཐོ་རིམ་ཚན་རིག་ལག་རྩལ་གྱི་ཤེས་ལྡན་པ་གསོ་སྐྱོང་བྱེད་པའི་རིག་ཚན་ཞིག་ཡིན།
ཀྲུང་ལུགས་སྨན་རྫས་རིག་པ།
ཀྲུང་ལུགས་སྨན་རྫས་རིག་པ་ནི་ཀྲུང་སྨན་གྱི་གཞི་རྩའི་གཞུང་ལུགས་དང་ནད་ཐོག་ཉེར་སྤྱོད་ལ་ཞིབ་འཇུག་བྱེད་པའི་རིག་ཚན་ཞིག་ཡིན་ལ། ཀྲུང་ལུགས་གསོ་རིག་སྨན་རྫས་ཀྱི་ཆེད་ལས་སོ་སོའི་རྨང་གཞིའི་རིག་ཚན་གྱི་གྲས་ཤིག་ཀྱང་ཡིན། ནང་དོན་དུ་ཀྲུང་ལུགས་སྨན་རྫས་ཀྱི་གོ་དོན་དང་། ཀྲུང་ལུགས་སྨན་རྫས་ཀྱི་འབྱུང་ཁུངས་དང་འཕེལ་རྒྱས་གཉིས་ཚུད་ཡོད།
ཀྲུང་ལུགས་གསོ་རིག
ཀྲུང་ལུགས་གསོ་རིག་ནི་མཐོ་རིམ་སློབ་གྲྭ་དཀྱུས་མའི་དངོས་གཞིའི་ཚན་ཁག་གི་ཆེད་ལས་ཤིག་ཡིན་ཞིང་། ཀྲུང་ལུགས་གསོ་རིག་རིག་པའི་གཞི་རྩའི་ཤེས་བྱ་དང་། གཞི་རྩའི་རིགས་པའི་གཞུང་ལུགས། གཞི་རྩའི་རྩལ་ནུས་བཅས་བརྒྱུད་རིམ་ལྡན་པའི་ངང་ཁོང་དུ་ཆུད་དགོས་པ་མ་ཟད། ཀྲུང་ལུགས་གསོ་རིག་གི་ནད་ཐོག་སྨན་བཅོས་ཀྱི་བསམ་གཞིགས་དང་ལག་ལེན་གྱི་ནུས་པ་ཆེ་ཙམ་ལྡན་དགོས།
ཀྲུང་ལུགས་གསོ་རིག་གི་རྨང་གཞིའི་རིགས་པའི་གཞུང་ལུགས།
ཀྲུང་ལུགས་གསོ་རིག་གི་རྨང་གཞིའི་རིགས་པའི་གཞུང་ལུགས་ཀྱི་སློབ་ཚན་ནི་ཀྲང་ཆིང་ཞང་གིས་སློབ་ཚན་གྱི་འགན་འཁུར་བ་དང་། ཧྲན་ཏུང་ཀྲུང་ལུགས་གསོ་རིག་སློབ་ཆེན་འཛུགས་སྐྲུན་ཚན་པ་གཙོ་བོར་བྱས་པའི་རྒྱལ་ཁབ་རིམ་པའི་དངོས་གཞིའི་ཚན་ཁག་གི་སློབ་ཚན་རྩེ་གྲ་ཞིག་ཡིན།
ཀྲུང་ལུགས་གསོ་རིག་གི་ནད་ཐོག་སྨན་བཅོས་ཀྱི་རྨང་གཞི།
“ཀྲུང་ལུགས་གསོ་རིག་གི་ནད་ཐོག་སྨན་བཅོས་ཀྱི་རྨང་གཞི”ནི“ཀྲུང་ལུགས་གསོ་རིག”གི་རིམ་པ་དང་པོའི་རིག་ཚན་གྱི་རིམ་པ་གཉིས་པའི་རིག་ཚན་ཞིག་ཡིན། ཀྲུང་ལུགས་གསོ་རིག་གི་ལག་ལེན་དངོས་ནི་ཀྲུང་ལུགས་གསོ་རིག་གི་རིགས་པའི་གཞུང་ལུགས་ལ་བརྟེན་པ་ཞིག་ཡིན་པ་སྟེ། ཀྲུང་ལུགས་གསོ་རིག་གི་རིགས་པའི་གཞུང་ལུགས་སྤྱད་དེ་ཀྲུང་ལུགས་གསོ་རིག་གི་ནད་ཐོག་ལག་ལེན་ལ་མཛུབ་ཁྲིད་ནུས་ལྡན་བྱེད་པ་ཞིག་ཡིན་པ་དང་། ནད་དཔྱད་བྱ་ཐབས་ནས་དབྱེ་འབྱེད་བྱེད་པ་དང་སྨན་འདེམས་ཕྱོགས་ཀྱི་སྨན་ཡང་ཀྲུང་ལུགས་གསོ་རིག་གི་རིགས་པའི་གཞུང་ལུགས་དང་ཁ་བྲལ་ཐབས་མེད།
ཀྲུང་ལུགས་གསོ་རིག་གི་ལོ་རྒྱུས་ཡིག་ཆ།
“ཀྲུང་ལུགས་གསོ་རིག་གི་ལོ་རྒྱུས་ཡིག་ཆའི”རིག་ཚན་ནི་ལོ་རྒྱུས་རིག་པ་དང་ཚད་ལྡན་ཡིག་ཆའི་ཟུར་ཚད་ནས་ཀྲུང་ལུགས་གསོ་རིག་གི་རིགས་པའི་གཞུང་ལུགས་དང་ཉམས་མྱོང་དང་། རིག་གཞུང་གི་ཁྱད་ཆོས། རིག་གནས་ཀྱི་ནང་དོན་དང་འཕེལ་རྒྱས་ཀྱི་ཆོས་ཉིད་བཅས་ལ་ཞིབ་འཇུག་བྱེད་པའི་རིག་ཚན་ཞིག་དང་ཀྲུང་ལུགས་གསོ་རིག་གི་རྨང་གཞིའི་རིག་ཚན་གལ་ཆེན་ཞིག་ཡིན།
ཀྲུང་ལུགས་གསོ་རིག་ཁོང་ནད་རིག་པ།
ཀྲུང་ལུགས་གསོ་རིག་ཁོང་ནད་རིག་པ་ཞེས་པ་ནི་ཀྲུང་ལུགས་གསོ་རིག་གི་གཞུང་ལུགས་ཀྱིས་ཁོང་ནད་རྒྱས་བཤད་བྱེད་པ་དང་། ནད་རྟགས་ཀྱི་ཁྱད་ཆོས། བརྟག་དཔྱད་སྨན་བཅོས་དང་སྔོན་འགོག བརྟག་དཔྱད་སྨན་བཅོས་བཅས་ཀྱི་ཆོས་ཉིད་གསལ་བཤད་བྱེད་པའི་ནད་ཐོག་རིག་ཚན་ཞིག་ཡིན། ཀྲུང་ལུགས་གསོ་རིག་ནང་གི་ཚན་རིག་ནི་ནད་ཐོག་རིག་ཚན་ཞིག་ཡིན་ལ། ཀྲུང་ལུགས་གསོ་རིག་གི་ནད་ཐོག་རིག་ཚན་གཞན་དག་སློབ་སྦྱོང་དང་ཞིབ་འཇུག་བྱེད་པའི་རྨང་གཞི་ཡང་ཡིན་པས། རིག་ཚན་གྱི་གནས་བབ་ཧ་ཅང་གལ་ཆེན་ཡོད།
ཀྲུང་ལུགས་གསོ་རིག་གི་བརྟག་དཔྱད་རིག་པ།
ཀྲུང་ལུགས་གསོ་རིག་གི་བརྟག་དཔྱད་རིག་པ་ནི་ཀྲུང་ལུགས་གསོ་རིག་གི་རིགས་པའི་གཞུང་ལུགས་ལ་གཞིགས་ནས་ནད་གཞི་བརྟག་དཔྱད་དང་། ནད་རིགས་བརྟག་དཔྱད། ནད་རྟགས་དབྱེ་འབྱེད་བཅས་ཀྱི་རྨང་གཞིའི་རིགས་པའི་གཞུང་ལུགས་དང་། གཞི་རྩའི་ཤེས་བྱ། གཞི་རྩའི་རྩལ་ནུས་བཅས་ལ་ཞིབ་འཇུག་བྱེད་པའི་རིག་ཚན་ཞིག་ཡིན། དེ་ནི་ཀྲུང་ལུགས་གསོ་རིག་གི་ཆེད་ལས་ཀྱི་རྨང་གཞིའི་སློབ་ཚན་ཞིག་ཡིན་པ་དང་། རྨང་གཞིའི་རིགས་པའི་གཞུང་ལུགས་དང་ནད་ཐོག་གི་ཚན་ཁག་སོ་སོའི་དབར་གྱི་འབྲེལ་ཟམ་ཡིན་ལ། ཀྲུང་ལུགས་གསོ་རིག་གི་ཆེད་ལས་སློབ་ཚན་མ་ལག་ཁྲོད་ཀྱི་གཙོ་རྐང་སློབ་ཚན་ཞིག་ཀྱང་ཡིན།
ཀྲུང་ལུགས་གསོ་རིག་གི་ཕྱི་ནད་ཚན་ཁག་རིག་པ།
ཀྲུང་ལུགས་གསོ་རིག་གི་ཕྱི་ནད་ཚན་ཁག་རིག་པ་སློབ་ཚན་ནི་ཁྲེན་ཧུང་ཧྥུང་གིས་སློབ་ཚན་འགན་འཁུར་བ་དང་ཧྲང་ཧའེ་ཀྲུང་ལུགས་གསོ་རིག་སློབ་ཆེན་གྱིས་འཛུགས་སྐྲུན་ཚན་པ་གཙོ་བོ་བྱས་པའི་རྒྱལ་ཁབ་རིམ་པའི་དངོས་གཞིའི་ཚན་ཁག་གི་སློབ་ཚན་རྩེ་གྲ་ཞིག་ཡིན།
ཕན་སྐྱེ་སྲིན།
ཕན་སྐྱེ་སྲིན་ནི་སྐྱེ་གནས་ཀྱི་གནས་ཤིག་གི་འབུ་ཕྲའི་ཚོགས་ཀྱིས་གྲུབ་པའི་སྐྱེ་གནས་ལ་ཕན་པའི་གྲུང་གཤིས་སྐྱེ་དངོས་ཕྲ་རབ་ཅིག་ཡིན། འབྱར་སྐྱིའི་མ་ལག་གི་རིམས་ཐར་ནུས་པ་སྙོམས་སྒྲིག་བྱེད་པའམ། ཡང་ན་རྒྱུ་མའི་ནང་གི་འབུ་ཕྲའི་ཚོགས་དོ་མཉམ་སྙོམས་སྒྲིག་བྱེད་པར་བརྟེན་ནས། འཚོ་བཅུད་བསྡུ་ལེན་ལ་སྐུལ་འདེད་བྱས་ཏེ་རྒྱུ་མའི་བདེ་ཐང་གི་ནུས་པ་རྒྱུན་འཁྱོངས་བྱས་ཏེ། བདེ་ཐང་ལ་ཕན་པའི་སྐྱེ་དངོས་ཕྲ་རབ་རྐྱང་བའམ། ཡང་ན་མཉམ་བསྲེས་སྐྱེ་དངོས་ཕྲ་རབ་གྲུབ་པ་ཡིན།
སྨྱུག་བྱུར།
སྨྱུག་བྱུར་ལ་བྱུར་ནག་དང་། རྒྱལ་པོ་ལྷག་ཐུར། བྱུར་དཀར། ཡུའེ་ཝང་ཚལ། བྱེ་མའི་ཤིང་སོགས་ཟེར་རོ༎
ཤིང་ཁྲག
ཤིང་ཁྲག་ལ་ཤིང་སིནྡྷུ་ར་དང་། གཡང་ཊིའི་མདོག་ཅན། ཟླ་གཟུགས་མ། ཤིང་སྐགས། སྤྲ་སེར། ཚོན་རྩི་སོགས་ཟེར།
གཡུ་འབྲུག་སྲད་མ།
གཡུ་འབྲུག་སྲད་མ་ལ་སྦ་སྨུག་དང་། སྦ་ཐག་སྨུག་པོ། སྦ་སྐུད། ཚངས་ཐག གནས་ཐག་སོགས་ཟེར།
སྦ་ཤིང་སྨུག་པོ།
སྦ་ཤིང་སྨུག་པོ་ལ་ལྷོ་སྐྱེས་སྐྱུར་མོ་དང་། རི་སྐྱེས་ཤིང་མངར། སྦ་ཤིང་གཡུ་འབྲུག་མ་སོགས་ཟེར།
བ་ལེ་འཁྲི་ཤིང་།
བ་ལེ་འཁྲི་ཤིང་ལ་བ་ལེ་ཀ་དང་། བ་ལེ་ལྕུག་མ། དངུལ་སྲང་སུམ་བརྒྱ་པ་སོགས་ཟེར་རོ༎
སྦལ་ལིག
སྦལ་ལིག་ལ་དུག་སྨན་སེར་པོ་དང་། རྡོ་ཡུང་། འབྲུག་སྒོང་། ས་བདག་མཁྲིས་པ། ཀླུ་ཡི་ཕོ་ཉ། རུས་སྦལ་ཡུང་མ། གསེར་རི་བ། སྦ་དམར། དུག་འཇོམས། ཉུངས་རྒོད། དུག་སྨན་ཁ་བོ། ལྦ་གྲོད། ལྦ་ལིག་སོགས་ཟེར་རོ།།
སྐྱི་སྲད།
སྐྱི་སྲད་ལ་དུག་སེལ་དང་། མདུད་པ་ཅན། སྐྱི་ཤིང་རྩ་བ། ཤིན་ཏུ་ཁ་བ། སྲད་རྒོད་རྩ་བ་སོགས་ཟེར་རོ།།
| ཀྲུང་ལུགས་གསོ་རིག བརྡ་འགྲེལ 87 ཡོད། |