ཕྱི་ཕྱོགས་དམག་དོན་གྱི་འབྲེལ་བ།
རང་རྒྱལ་གྱི་ཕྱི་ཕྱོགས་དམག་དོན་ཐད་ཀྱི་ལངས་ཕྱོགས་ནི་སྤྱི་ལོ1997ལོའི་ཟླ3པར་རྒྱལ་ཡོངས་མི་དམངས་འཐུས་མི་ཚོགས་ཆེན་སྟེང་གྲོས་འཆམ་བྱུང་པའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲུང་བཅའ་ཁྲིམས》ཁྲོད་གཏན་འབེབས་བྱས་པ་ལྟར། “ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་ཕྱི་ཕྱོགས་དམག་དོན་གྱི་འབྲེལ་བའི་ཁྲོད་འཛམ་གླིང་གི་ཞི་བདེ་སྲུང་སྐྱོབ་དང་བཙན་འཛུལ་རྒྱ་སྐྱེད་ཀྱི་བྱ་སྤྱོད་ལ་ངོ་རྒོལ་བྱ་རྒྱུ་ཡིན”ཞེས་གསལ།
དམག་ཞབས་ཐོ་འགོད།
དམག་ཞབས་ཐོ་འགོད་ཅེས་པ་ནི་བཅའ་ཁྲིམས་ཀྱི་གཏན་འབེབས་ལྟར་དམག་ཞབས་ཞུ་བའི་འོས་འགན་ཡོད་པའི་སྤྱི་དམངས་སྐྱེས་པས་བཅའ་ཁྲིམས་ཀྱི་གཏན་འབེབས་ལྟར་ཐོ་འགོད་བྱེད་པར་ཟེར་ཞིང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམག་ཞབས་བཅའ་ཁྲིམས》ཀྱི་གཏན་འབེབས་ལྟར་ན། ལོ་དེའི་ཟླ12པའི་ཚེས31ཉིན། ལོ་སྔོན་མར་ལོ18ལ་སོན་པའི་སྤྱི་དམངས་སྐྱེས་པ་དེས་བཅའ་ཁྲིམས་ཀྱི་གཏན་འབེབས་ལྟར་དམག་ཞབས་ཐོ་འགོད་ཀྱི་འོས་འགན་བསྒྲུབ་དགོས།
མཚོ་དམག་འཐབ་རྩལ་རིག་པ།
དེ་ནི་མཚོ་ཐོག་འཐབ་འཛིང་གི་མཛུབ་སྟོན་ཆོས་ཉིད་ལ་ཞིབ་འཇུག་བྱེད་པའི་རིག་ཚན་ཞིག་ཡིན།
མཉམ་འབྲེལ་གཡུལ་འགྱེད་རིག་པ།
དེ་ནི་མཉམ་འབྲེལ་གཡུལ་འགྱེད་དང་དེའི་མཛུབ་སྟོན་ཆོས་ཉིད་ལ་ཞིབ་འཇུག་བྱེད་པའི་རིག་ཚན་ཞིག་ཡིན་ཞིང་། དེའི་ཞིབ་འཇུག་གི་ནང་དོན་གཙོ་བོར་མཉམ་འབྲེལ་གཡུལ་འགྱེད་ཀྱི་ངོ་བོ་དང་། རིགས། ཁྱད་ཆོས། གཞི་རྩའི་རྩ་དོན། སྒྲིག་འཛུགས་ལག་བསྟར་བྱེད་ཐབས་སོགས་ཡོད།
ཧྥ་ཤི་སིར་ངོ་རྒོལ་བྱེད་པའི་མནའ་མཐུན།
ཧྥ་ཤི་སིར་ངོ་རྒོལ་བྱེད་པའི་མནའ་མཐུན་ནི་སྤྱི་ལོ1942ལོའི་ཟླ1པོའི་ཚེས1ཉིན་དབྱིན་ཇི་དང་། ཨ་རི། སུའུ་ལེན། ཀྲུང་གོ་བཅས་རྒྱལ་ཁབ26གིས་ཝ་ཧྲིན་ཐོན་དུ་ཚོགས་འདུ་འཚོགས་ནས《མཉམ་འབྲེལ་རྒྱལ་ཁབ་ཀྱི་བསྒྲགས་གཏམ》ལ་མིང་རྟགས་བཀོད་པ་དེས་རྒྱལ་སྤྱིའི་ཧྥ་ཤི་སིར་ངོ་རྒོལ་བྱེད་པའི་འཐབ་ཕྱོགས་གཅིག་གྱུར་མཇུག་མཐར་གྲུབ་པ་མཚོན། ཧྥ་ཤི་སིར་ངོ་རྒོལ་བྱེད་པའི་མནའ་མཐུན་བཙུགས་པ་དེས་འཛམ་གླིང་འཁྲུག་ཆེན་གཉིས་པའི་གནས་བབ་ལ་འགྱུར་ལྡོག་བྱུང་བ་དང་། དེ་ནི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་མཐའ་མའི་རྒྱལ་ཁ་ཐོབ་པའི་ཐག་གཅོད་རང་བཞིན་གྱི་རྒྱུ་རྐྱེན་ཞིག་ཡིན་པ་མ་ཟད། མཉམ་འབྲེལ་རྒྱལ་ཚོགས་འཛུགས་པར་རྨང་གཞི་བཏིང་ཡོད།
“ནང་འཐབ”རྣམ་པའི་རུལ་སུངས་ངོ་རྒོལ།
“ནང་འཐབ”རྣམ་པའི་རུལ་སུངས་ལ་ངོ་རྒོལ་ནི་ཐེན་ཅིན་ས་འོག་ལྕགས་ལམ་ཁོངས་གཏོགས་ཀྱི“རུལ་སུངས་གྱོད་གཞི་ཆེན་པོ་ཨང་དང་པོ”ལ་ཟེར་བ་དང་། ས་འོག་ལྕགས་ལམ་ཀུང་སིའི་ཏང་ཨུའི་ཧྲུའུ་ཅིས་ཀྲུང་དབྱང་སྒྲིག་ཨུ་ལ“ལས་རོགས་རྙིང་པའི”ས་འོག་ལྕགས་ལམ་ཀུང་སིའི་སྤྱི་ཁྱབ་ཅིང་ལི་ཐེར་འདོན་བྱས་པ་དང་། སྤྱི་ཁྱབ་ཅིང་ལིས“གཏན་འབེབས་གཉིས”རིང་ཏང་ཨུའི་ཧྲུའུ་ཅི་ཐེར་འདོན་བྱས་པ་རེད། མཐར་གཉིས་ཀ་གོ་གནས་ལས་བབས་པ་དང་དེ་སྔའི་ཏང་ཨུའི་ཧྲུའུ་ཅི་ཝང་ཁྲུན་ཆིང་ལ་ཉེས་ཆད་ལོ13བཅད་པ་དང་། དེ་སྔའི་སྤྱི་ཁྱབ་ཅིང་ལི་ཀའོ་ཧོའེ་ཀྲི་ལ་ལོ20ཁྲིམས་ཆད་བཅད་པ་རེད།
ཀྲུང་གུང་ཅི་ལུའུ་མཐའ་མཚམས་ཆུས་ཨུ།
འཇར་འགོག་དམག་འཁྲུག་གི་དུས་སྐབས་སུ་ཀྲུང་གོ་གུང་ཁྲན་ཏང་གིས་ཧྲན་ཏུང་ས་ཁུལ་དུ་བཙུགས་པའི་ས་གནས་ཀྱི་མགོ་ཁྲིད་ལས་ཁུངས་ཤིག་ཡིན།
ཀྲུང་གུང་ཆིན་ཧུ་ཆུས་ཨུ།
འཇར་འགོག་དམག་འཁྲུག་གི་དུས་སྐབས་སུ་ཀྲུང་གོ་གུང་ཁྲན་ཏང་གིས་ཧྲན་ཏུང་ས་ཁུལ་དུ་བཙུགས་པའི་ས་གནས་ཀྱི་མགོ་ཁྲིད་ལས་ཁུངས་ཤིག་ཡིན།
ཀྲུང་གུང་པོ་ཧའེ་ཆུས་ཨུ།
འཇར་འགོག་དམག་འཁྲུག་གི་དུས་སྐབས་དང་བཅིངས་འགྲོལ་དམག་འཁྲུག་གི་དུས་སྐབས་སུ། ཀྲུང་གོ་གུང་ཁྲན་ཏང་གིས་ཧྲན་ཏུང་ས་ཁུལ་དུ་བཙུགས་པའི་ས་གནས་ཀྱི་མགོ་ཁྲིད་ལས་ཁུངས་ཤིག་ཡིན།
ཀྲུང་གུང་ཧུའུ་པེའི་ནུབ་བྱང་ཆུས་ཨུ།
འཇར་འགོག་དམག་འཁྲུག་གི་སྐབས་སུ་ཀྲུང་གོ་གུང་ཁྲན་ཏང་གིས་ཧུའུ་པེ་དང་ཧོ་ནན་འབྲེལ་མཚམས་ས་ཁུལ་དུ་བཙུགས་པའི་ས་གནས་ཀྱི་མགོ་ཁྲིད་ལས་ཁུངས་ཤིག་ཡིན།
ཀྲུང་གུང་ཧུའུ་པེའི་དབུས་ཁུལ་ཆུས་ཨུ།
འཇར་འགོག་དམག་འཁྲུག་གི་སྐབས་སུ་ཀྲུང་གོ་གུང་ཁྲན་ཏང་གིས་ཧུའུ་པེ་དང་ཧོ་ནན་འབྲེལ་མཚམས་ས་ཁུལ་དུ་བཙུགས་པའི་ས་གནས་ཀྱི་མགོ་ཁྲིད་ལས་ཁུངས་ཤིག་ཡིན།
དམག་དོན་རྩ་འཛུགས།
དམག་དོན་རྩ་འཛུགས་ཞེས་པ་ནི་དམག་དོན་འཐབ་རྩོད་ནང་དམིགས་ཡུལ་དང་མ་ལག་ངེས་ཅན་ཞིག་ལ་གཞིགས་ནས་བཙུགས་པའི་མི་སྣ་དང་དངོས་པོ་ཟུང་འབྲེལ་བྱེད་པའི་དངོས་གཞི་ལ་ཟེར། དམག་དོན་རྩ་འཛུགས་ཀྱི་རྣམ་པ་ནི་སྤྱི་ཚོགས་ཀྱི་ལོ་རྒྱུས་དུས་རིམ་ངེས་ཅན་ཞིག་གི་ཐོན་དངོས་ཡིན་ཞིང་། གྲལ་རིམ་དང་། རྒྱལ་ཁབ། དམག་དཔུང་བཅས་བྱུང་བ་དང་འཕེལ་རྒྱས་འགྲོ་བ་དང་བསྟུན་ནས་བྱུང་བ་དང་འཕེལ་རྒྱས་འགྲོ་བཞིན་ཡོད། དེའི་ནང་དོན་སྟབས་བདེ་ནས་རྙོག་འཛིང་དུ་གྱུར་པ་དང་། རྣམ་པ་ཉིན་རེ་བཞིན་ཚད་ལྡན་ཅན་དང་། ཆེད་ལས་ཅན། ལམ་ལུགས་ཅན་བཅས་སུ་འགྱུར་བཞིན་ཡོད།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུང་དབྱང་དམག་དོན་ཨུ་ཡོན་ལྷན་ཁང་།
རྒྱལ་ཡོངས་ཀྱི་དྲག་པོའི་སྟོབས་ཤུགས་ལ་མགོ་ཁྲིད་བྱེད་པའི་ཆེས་མཐོའི་དམག་དོན་སྤྱི་ཁྱབ་བཀོད་འདོམས་ལས་ཁུངས་ཡིན་པ་དང་། སྤྱི་ལོ1982ལོའི་ཟླ12པར་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་ལྔ་པའི་གྲོས་ཚོགས་ཐེངས་ལྔ་པའི་ཐོག《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས》ལ་གྲོས་འཆམ་བྱུང་སྟེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུང་དབྱང་དམག་དོན་ཨུ་ཡོན་ལྷན་ཁང་བཙུགས་ནས་རྒྱལ་ཡོངས་ཀྱི་དྲག་པོའི་སྟོབས་ཤུགས་ལ་མགོ་ཁྲིད་བྱེད་ཀྱིན་ཡོད།
| དམག་དོན་རྩ་འཛུགས། བརྡ་འགྲེལ 15 ཡོད། |