95ཅན་འཕྲལ་རྒོལ་རིང་མདའ།
95ཅན་འཕྲལ་རྒོལ་རིང་མདའ་ནི་ཀྲུང་གོའི་མཚོན་ཆ་དམག་ཆས་ཚོགས་ཁག་ཀུང་སིའི 208ཞིབ་འཇུག་སུའོ་ཡིས་ཞིབ་འཇུག་དང་གསར་བཟོ་བྱས་པའི་འཕྲལ་རྒོལ་རིང་མདའ་ཡིན་ལ། ཇུས་འགོད་མཁན་གཙོ་བོ་ནི་ཀྲུང་གོའི་བཟོ་བཀོད་གླིང་གི་ཡོའན་ཧྲི་ཏུའོ་ཡིང་ཞན་ཡིན་ཞིང་། 95ཅན་མེ་མདའི་རྒྱུད་ཀྱི་ཆ་ཤས་སུ་གཏོགས། མེ་མདའ་འདི་ནི་མིག་སྔར་ཀྲུང་གོ་མི་དམངས་བཅིངས་འགྲོལ་དམག་གིས་བཀོལ་བའི་འཕྲལ་རྒོལ་རིང་མདའི་གྲས་ཀྱི་གཅིག་ཡིན་ལ། དེ་ནི་ཀྲུང་གོའི་ཞིབ་འཇུག་དང་གསར་བཟོ་བྱས་པའི་མེ་མདའི་ཁའི་ཚངས་ཐིག་ཆུང་བའི་འཕལ་རྒོལ་རིང་མདའི་རིགས་ཀྱི་རིགས་གཉིས་པ་ཡིན་ཞིང་། བཅིངས་འགྲོལ་དམག་རིགས་དང་པོའི་ཁྱབ་རྒྱ་ཆེ་བའི་དྲག་པོའི་དམག་དཔུང་གི་མེ་མདའི་ཁའི་ཚངས་ཐིག་ཆུང་བའི་འཕྲལ་རྒོལ་རིང་མདའ་ཡིན།
AK-47འཕྲལ་རྒོལ་རིང་མདའ།
AK-47ནི་སུའུ་ལེན་གྱི་མེ་མདའི་ཇུས་འགོད་མཁན་པོ་སྨི་ཧ་དབྱི་ཨེར•ཅི་མོ་ཧྥེ་ཡེ་ཝེ་ཆི•ཁ་ལ་ཧྲི་ཉི་ཁོ་ཧྥུ（Михаил Тимофеевич Калашников）ས་ཇུས་འགོད་བྱས་པའི་རང་འགུལ་རིང་མདའ་ཞིག་ཡིན་ཞིང་། AK ནིАвтомат Калашникова （རང་འགུལ་རིང་མདའ་ཡི་ཐོག་མའི་གསལ་བྱེད་ཀྱི་བསྡུས་འབྲི）ཁ་ལ་ཧྲི་ཉི་ཁོ་ཧྥུས་སྤྱི་ལོ1947ལོར་གསར་བཟོ་བྱས་པའི་རང་འགུལ་རིང་མདའ་ཡིན་ལ། མེ་མདའ་འདི་ནི་སུའུ་ལེན་གྱི་རབས་དང་པོའི་འཕྲལ་རྒོལ་རིང་མདའ་ཡིན། AK-47ནི་འཕྲལ་རྒོལ་རིང་མདའི་ཁོངས་སུ་གཏོགས་ཤིང་། འཛམ་གླིང་འཁྲུག་ཆེན་ཐེངས་གཉིས་པའི་དུས་སྐབས་ཀྱི་རིང་མདའ་དང་བསྡུར་ན། དེ་ལས་ཆུང་ཞིང་ཐུང་བ་དང་མདའ་རྒྱང་ཡང་དེ་དང་བསྡུར་ན་ཅུང་ཐུང་བ་ཡིན་ལ། དེ་ནི་བར་ཐག་ཧ་ཅང་ཉེ་བའི་སྐབས་ཀྱི་འཐབ་འཁྲུག་གི་སྐབས་སུ་བཀོལ་བར་འཚམ།
ཉིང་རྡུལ་མཚོན་ཆ།
ཉིང་རྡུལ་མཚོན་ཆ་ནི་མ་རྡུལ་སྙིང་པོས་བྱས་པའི་གས་འགྱུར་དང་གས་འགྱུར་ནས་འདུས་འགྱུར་གྱི་འགྱུར་བར་བརྟེན་ནས་སྐད་ཅིག་དེ་ཉིད་དུ་བསྐྱེད་པའི་ནུས་པ་ཤིན་ཏུ་ཆེན་པོ་ལས་འགད་པའི་བྱེད་ནུས་ཐོན་པ་དང་། དེས་གསོད་རྨས་དང་གཏོར་བརླག་རྒྱ་ཆེན་པོ་བྱེད་པའི་ཕན་འབྲས་ལྡན་པའི་མཚོན་ཆ་ཞིག་ལ་ཟེར་བ་ཡིན།
བྱེ་ཐང་གི་གླག་རྒོད།
བྱེ་ཐང་གི་གླག་རྒོད་ནི་སྤྱི་ལོ1980ལོརMRIཡིས་ཡོངས་བསྒྲགས་བྱས་པ་ཡིན་ཞིང་། མ་དཔེ་མདའ་ནི་སྤྱི་ལོ1981ལོར་ལེགས་འགྲུབ་བྱུང་བ་དང་། དབྱི་སི་རལ་དམག་དོན་བཟོ་ལས་ཀུང་སི（IMI）ནས་ཆེས་མཇུག་མཐའི་བཟོ་དབྱིབས་གཏན་ཁེལ་བྱས་པ་ཡིན། མེ་མདའ་རྒྱག་པའི་ཚོད་ལྟ་བགྲང་ལས་འདས་པ་ཤིག་བརྒྱུད་མཐར་ཆེས་ཐོག་མའི་བྱེད་ནུས་ཁ་ཚང་ལྡན་པའི་མེ་མདའི་ཁའི་ཚངས་ཐིག0.357ཅན་གྱི་བྱེ་ཐང་གི་གླག་རྒོད་ཀུན་གྱི་མིག་མདུན་ཏུ་མངོན་ཞིང་། མེ་མདའ་འདི་ཐོན་པ་ནས་བཟུང་། མེ་མདའི་ཁའི་ཚངས་ཐིག0.357ཅན་གྱི་བྱེ་ཐང་གི་གླག་རྒོད་ནི་རིག་རྫས་བསྡུ་ཉར་བྱེད་མཁན་དང་མེ་མདའ་ལ་དགའ་ཞེན་ཡོད་མཁན་ཚོས་སྨྱོ་ཧམ་ངང་རག་ཐབས་བྱ་སའི་དམིགས་ཡུལ་ཏུ་གྱུར། སྤྱི་ལོ1986ལོའི་ལོ་གཅིག་གི་ནང་དབྱི་སི་རལ་དམག་དོན་བཟོ་ལས་ཀུང་སིས་ཐུན་མོང་མ་ཡིན་པའི་མེ་མདའི་ཁའི་ཚངས་ཐིག0.357ཅན་གྱི་བྱེ་ཐང་གི་གླག་རྒོད་གཅེས་ཉར་པར་སྟོང་གཅིག་ཐོན་སྐྱེད་བྱས་ལ། དེའི་ནང་གསེར་པར་བརྒྱ་དང་དངུལ་པར་བཞི་བརྒྱ། ཟངས་པར་ལྔ་བརྒྱ་བཅས་འདུ་ཤིང་། གཅེས་ཉར་པར་གྱི་མེ་མདའི་ཁའི་ཚངས་ཐིག0.357ཅན་གྱི་བྱེ་ཐང་གི་གླག་རྒོད་རེ་རེ་ཁམ་ཤིང་གི་སྒམ་རེ་རེའི་ནང་དུ་ཐུམ་སྒྲིལ་བྱས་ཡོད།
མཚོན་ཆ་གྲང་མོ།
མཚོན་ཆ་གྲང་མོ་ནི་མིས་རྐང་ལག་དབྱུག་པར་བརྟེན་ནས་གྲི་སོགས་ཀྱི་རྩེ་མོ་དང་དངོ་། ལྗིད་ཚད་བཅས་ཀྱི་སྒུལ་ཤུགས་དང་འགུལ་ནུས་ཀྱིས་བསྐྱེད་ཅིང་ཐད་ཀར་ཕ་རོལ་པོའི་མི་རྟ་གསོད་རྨས་བྱེད་པའི་ཕན་ཚུན་འཛིང་རེས་ཀྱི་མཚོན་ཆ་ལ་ཟེར་གྱི་ཡོད་པ་རེད། མདའ་གྲི་མདུང་སྟ་ལྕགས་ཀྱུ་སོགས་མཚོན་ཆ་བཅོ་བརྒྱད་དེ་མཚོན་ཆ་གྲང་མོའི་རིགས་སུ་གཏོགས་པ་ཡིན།
རྫས་འགྱུར་མཚོན་ཆ།
རྫས་འགྱུར་མཚོན་ཆ་ནི་དུག་རྫས་ལ་བརྟེན་ནས་སྐྱེ་ལྡན་སྟོབས་ཤུགས་གསོད་རྨས་བྱེད་པའི་མཚོན་ཆ་ལ་ཟེར་བ་དང་། དེར་དུག་རྫས་བླུགས་ཡོད་པའི་རྫས་འགྱུར་སྒྱོགས་མདེལ་དང་། མཁའ་སྐྱོད་རྫས་འགྱུར་འགད་མདེལ། རྫས་འགྱུར་མེ་ཤུགས་འཕུར་མདེལ། མདེལ་རྩེ་རྫས་འགྱུར་ཁྲིད་མདེལ། རྫས་འགྱུར་ས་འབོམ། རྫས་འགྱུར་མདའ་འབོམ་བཅས་དང་། ད་དུང་ནམ་མཁའི་རྫས་འགྱུར་གཏོར་ཆས་དང་དུག་གི་དུ་བ་གཏོང་ཆས་བཅས་ཡོད་པ་རེད།
མདའ་གཞུ།
རི་དྭགས་རྔོན་བྱེད་དམ་ཕ་རོལ་པོར་རྒོལ་བྱེད་ཀྱི་མདའ་དང་གཞུ་ལ་མདའ་གཞུ་ཟེར་ཞིང་། མདའ་གཞུའི་མཚོན་ཆ་འདི་བོད་དུ་དར་ནས་ཐོག་མར་རི་དྭགས་རྔོན་བྱེད་དུ་སྤྱད་པ་དང་དེ་ནས་རིམ་བཞིན་མིའི་གཡུལ་འཁྲུགས་ནང་དུ་སྤྱོད་འགོ་བརྩམས། ལྷག་པར་དུ་གླིང་སྒྲུང་དུ་མདའ་གཞུ་ནི་དཔའ་བོའི་རྒྱན་ཆ་དང་སྡང་དགྲ་རྒོལ་བར་མེད་དུ་མི་རུང་བའི་མཚོན་ཆ་གལ་ཆེན་ཞིག་ཏུ་ཆགས་ཡོད་པས་མདའ་གཞུ་ལ་མནོལ་གྲིབ་ཕོག་མི་ཉན་ལ་མདའ་གཞུ་དམན་སར་མི་འཇོག་པའི་སྲོལ་ཡོད།
དམག་དོན་སྒྲིག་ཆས་རིག་པ།
དམག་དོན་སྒྲིག་ཆས་རིག་པ་ནི་དམག་དོན་སྒྲིག་ཆས་འཛུགས་སྐྲུན་དང་འཕེལ་རྒྱས། བེད་སྤྱོད། དོ་དམ། ལག་རྩལ་འགན་སྲུང་བཅས་ལ་ཞིབ་འཇུག་བྱེད་པའི་རིག་ཚན་ཞིག་ཡིན་ལ། དམག་དོན་སྒྲིག་ཆས་འཕེལ་རྒྱས་བྱུང་བ་དེས་དམག་དོན་བསམ་བློ་དང་དམག་འཐབ་བྱེད་སྟངས། བྱེད་ཐབས་བཅས་དང་དེ་བཞིན་དམག་དཔུང་གི་རྩ་འཛུགས་གྲུབ་ཚུལ་ལ་འཕོ་འགྱུར་བྱུང་བར་ཤུགས་རྐྱེན་གལ་ཆེན་ཐེབས་ཡོད།
མདའ།
མདའ་ནི་མིའི་རིགས་ཀྱི་སྤྱི་ཚོགས་འཕེལ་རྒྱས་སུ་ཕྱིན་པའི་དན་རྟགས་གལ་ཆེན་ཞིག་ཡིན། དེའང་ཐོག་མའི་དུས་སུ་ཁ་རྒྱབ་ཙམ་དུ་བེད་སྤྱོད་པ་ལ། རིམ་བཞིན་དགྲ་འགོག་དང་མངའ་ཁོངས་རྒྱ་སྐྱེད་པའི་ལག་ཆ་གལ་ཆེན་དུ་གྱུར་པ་དང་། དེང་གི་ཆར་གོ་ལ་འདིའི་ཡུལ་གྲུ་མང་ཆེ་བར་དེ་ཉིད་སྲོལ་རྒྱུན་གྱི་ལུས་རྩལ་དང་རྩེད་མོའི་རྣམ་པར་གྱུར་ཡོད།
མདུང་དར།
མདུང་དར་ཞེས་པ་འདི་ནི་ཡེ་སྲིད་དུས་ཀྱི་དབང་མཛད་བཅུ་གཉིས་པའི་དུས་སྐབས་སུ་དར་བའི་མདའ་གྲི་མདུང་གསུམ་གྱི་ཡ་གྱལ་མཚོན་ཆ་མདུང་དང་དེ་ཡི་ཐོག་ཏུ་དར་ལྕོག་བཏགས་པའི་གནའ་བོའི་དུས་ཀྱི་ཕྱག་མཚན་ནམ་མཚོན་ཆ་ཞིག་ཡིན།
རྒྱལ་པོ་ཁྲི་སྒྱོགས།
མེ་སྒྱོགས་ཤིག་གི་མིང་། སྔར་བོད་དུ་ཤིང་སྡོང་ཆེན་པོའི་ཁོག་པ་བྲུས་པའི་མེ་སྒྱོགས་ལས་མེད་ཀྱང་། གོང་མ་ཆེན་ལུང་གི་སྐབས་ནས་བཟུང་རིམ་བཞིན་ལྕགས་ལས་བཟོས་པའི་མེ་སྒྱོགས་བྱུང་བ་ཡིན་ནམ་སྙམ་པ་ཁོ་བོའི་རྨོངས་འཆར་ལ་དེ་ལྟར་ཡིན་མིན་བརྟག་པར་ཞུ་ཞིང་། འདིའི་སྐབས་ཀྱི་མེ་སྒྱོགས་ནི་ཤིང་ལས་བཟོས་པའི་མེ་སྒྱོགས་ཡིན།
| མཚོན་ཆ། བརྡ་འགྲེལ 12 ཡོད། |