ཀྲོན་བརྐོས།
དེ་ནི་ཡིག་གཟུགས་དང་བརྐོས་རིས་ཟུང་འབྲེལ་བྱས་ནས་རག་གམ་རྡོ་བའི་སྟེང་དུ་བཟོ་བའི་སྒྱུ་རྩལ་ཞིག་ཡིན།
ཁྲང་ཞིན་ཕོ་བྲང་གི་སྒྲོན་མེ།
ཞི་ཧན་ཁྲང་ཞིན་ཕོ་བྲང་གི་སྒྲོན་མེ་ནི་ཀྲུང་གོའི་ཧན་རྒྱལ་རབས་སྐབས་ཀྱི་ཟངས་ཆས་ཤིག་ཡིན་ལ། སྤྱི་ལོ1968ལོར་ཧུ་པེ་ཞིང་ཆེན་མན་ཁྲེང་རྫོང་གི་ཀྲུང་ཧྲན་ཅིན་ཝང་གི་ཆུང་མ་ཏོའུ་ཝན་གྱི་བང་སོའི་ཁྲོད་ནས་བྱུང་།
བྲག་རིས།
བྲག་རིས་ལ་གཡའ་རིས་སམ་བྲག་བརྐོས་ཀྱང་ཟེར་བ་དང་། རྡོ་ཆས་དང་ལྕགས་ཆས་སམ་ཚོན་མདོག་གིས་བྲག་ངོས་སུ་བརྐོས་པའམ་བྱུགས་པའི་བརྙན་རིས་ལ་གོ
རྟ་འོག་ཁུག་རྟ།
རྟ་འོག་ཁུག་རྟ་ནི་ཀན་སུའུ་ཞིང་ཆེན་གྱི་ཝུའུ་ཝེ（ལང་ཀྲུ）ས་ཁུལ་གྱི་ཧན་རྒྱལ་རབས་ཤར་མའི་བང་སོ་རུ་ཐོན་པའི་ལོ་བཟོས་ལག་ཤེས་བཟོས་རྫས་ཤིག་ཡིན།
འབུར་བཟོ་སྒྱུ་རྩལ།
འབུར་བཟོ་སྒྱུ་རྩལ་ནི་བརྐོས་རིས་ཀྱི་རིགས་ཤིག་ཡིན་ལ། དེ་བརྐོ་མཁན་གྱིས་ངོས་ལེབ་སྟེང་དུ་བཟོ་འདོད་པའི་རི་མོའི་རྣམ་པ་དེ་འབུར་བརྐོ་བྱས་ཏེ་སྣང་བརྙན་མཚོན་པར་བྱེད་པ་ཞིག་ཡིན། དེ་ངོས་ལེབ་ཀྱི་རྒྱུ་ཆ་ལས་བརྒལ་ནས་འབུར་བཟོ་བྱས་པ་ལ་ཟེར།
ཐང་གི་སུམ་ཚོན།
ཐང་གི་སུམ་ཚོན་ནི་རྒྱ་རིགས་ཀྱི་གནའ་བོའི་རྫ་མ་བསྲེགས་ནས་བཟོས་པའི་བཟོ་རྩལ་གྱི་གཅེས་ནོར་ཞིག་ཡིན།
དཀར་ཡོལ།
དཀར་ཡོལ་ནི་དཀར་རྩིའམ་ས་དཀར་རྒྱུ་ཆ་བྱས་ཏེ་རྫས་སྦྱོར་བ་དང་། སོན་བཟོ་བ། སྐེམ་པ། སྲེག་པ་སོགས་ཀྱི་བཟོ་ཐབས་ལས་རིམ་བརྒྱུད་དེ་བཟོས་པའི་ཉེར་སྤྱད་ལ་ཟེར་བ་དང་། དེ་ལ་རྒྱུ་གཞི་ཞིབ་ཅིང་སྲ་བ་དང་། ཕྱོ་ངོས་བཀྲག་མདངས་ལྡན་པ། ཆུ་སིམ་པའི་ཤས་ཆུང་བའམ་ཆུ་མི་སིམ་པ་བཅས་ཀྱི་ཁྱད་ཆོས་ལྡན་ཡོད།
ལག་ཤེས་བཟོ་རྩལ།
ལག་ཤེས་བཟོ་རྩལ་ནི་ལག་པའི་ངལ་རྩོལ་ལ་བརྟེན་ནས་བཟོས་པའི་ཐུན་མོང་མ་ཡིན་པའི་སྒྱུ་རྩལ་ཉམས་འགྱུར་ལྡན་པའི་བཟོ་རྩལ་མཛེས་རྩལ་ཞིག་ཡིན།
སྒྱུ་རྩལ་མཛད་ཆོས་ཀྱི་རྩོད་འཚོང་།
སྒྱུ་རྩལ་མཛད་ཆོས་རྩོད་འཚོང་ནི་སྒྱུ་རྩལ་མཛད་ཆོས་དེ་འགྲན་ཉོ་བྱས་ནས། རིན་གོང་མཐོན་པོ་སྟེར་མཁན་དེར་འཚོང་བའི་ཉོ་འཚོང་བྱེད་སྟངས་ཤིག་ཡིན།
ཅོ་ནེའི་དཔར་ཁང་།
དུས་རབས16པར་ཅོ་ནེའི་དགོན་ཆེན་དུ་དཔར་ཁང་བཙུགས་པ་ནས་བཟུང་ནང་བསྟན་གྱི་བསྟན་བཅོས་ཁྲི་མ་འབུམ་བརྐོས་ཤིང་དཔར་ཏེ་སྐབས་དེའི་མདོ་སྨད་ཀྱི་དཔར་བརྐོ་དང་དཔེ་སྐྲུན་ལས་རིགས་ཀྱི་ལྟེ་བ་དང་རིག་གནས་དར་སྤེལ་གྱི་ལྟེ་བ་རུ་གྱུར།
བླ་བྲང་དཔར་ཁང་།
བླ་བྲང་དགོན་པའི་དཔར་ཁང་ནི་སྤྱི་ལོ1761ལོར་ཀུན་མཁྱེན་འཇམ་དབྱངས་བཞད་པ་དཀོན་མཆོག་འཇིགས་མེད་དབང་པོས་བཞེངས་པ་ཡིན། དུས་རབས་བཅོ་བརྒྱད་པའི་དུས་མཇུག་ཏུ་དཔར་ཁང་གི་གཞི་ཁྱོན་ཅུང་ཆེན་པོར་ཆགས་པ་དང་། དཔར་བརྐོ་དང་པར་སྐྲུན་གྱི་ལས་རིགས་ཆ་ཚང་ཡང་ཆགས། འཇམ་དབྱངས་བཞད་པ་སྐུ་ཕྲེང་རིམ་བྱོན་གྱིས་དཔར་བརྐོའི་ལས་ཀ་རྩ་འཛུགས་བྱས་ཏེ། སྤྱི་ལོ1958ལོའི་བར་དུ་དཔར་ཤིང་ཁྲི7ལྷག་ཡོད།
ར་རྒྱ་དགོན་པའི་དཔར་ཁང་།
ར་རྒྱ་དགོན་པའི་དཔར་ཁང་ནི་སྤྱི་ལོ1811ལོར་ཤིང་བཟའ་བློ་བཟང་དར་རྒྱས་རྒྱ་མཚོ་ཉིད་ཀྱིས་བཞེངས་པ་ཡིན། བཀའ་བསྟན་སྡེ་དགེའི་དཔར་མ་གཞིར་བཟུང་སྟེ་དགོན་པ་ཕྱི་ནང་གི་ཡིག་གཟུགས་ལ་མཁས་པ75དང། ཞུ་དག་པ10གདན་དྲངས་ཏེ། བཀའ་བསྟན་གསེར་བྲིས་མ་བཞེངས།
ལྷ་སའི་ཞོལ་དཔར་ཁང་གསར་པ།
ལྷ་སའི་ཞོལ་དཔར་ཁང་གསར་པ་ནི་ཏཱ་ལའི་བླ་མ་སྐུ་ཕྲེང་ལྔ་བའི་སྐུ་རིང་དུ་ཕོ་བྲང་པོ་ཏ་ལའི་ཞོལ་གྱི་ཤར་ངོས་སུ་བཞེངས་ཤིང་མཚན་ལ་དགའ་ལྡན་ཕུན་ཚོགས་གླིང་གསོལ། ཏཱ་ལའི་བླ་མ་སྐུ་ཕྲེང་བཅུ་གསུམ་པའི་སྐབས་སུ་དཔར་ཁང་འདིར་ཡང་བསྐྱར་ཞིག་གསོ་བྱས་མྱོང་།
སྐུ་འབུམ་དགོན་པའི་དཔར་ཁང་།
སྐུ་འབུམ་དགོན་པའི་དཔར་ཁང་ནི་ཡེ་ཤེས་ཐུབ་བསྟན་རྒྱ་མཚོ་མཆོག་གིས་སྤྱི་ལོ1827ལོར་བཞེངས། དེའི་རྗེས་སུ་མུ་མཐུད་དུ་རྒྱ་བསྐྱེད་དང་འཕེལ་རྒྱས་སོང་ནས་དཔར་བརྐོ་ཁང་དང་དཔར་ཁང་། དཔར་ཤིང་ཁང་། ཤོག་ཉར་ཁང་། དཔར་ཤིང་བཀྲུ་ས།དཔེ་ཁང་བཅས་ཀྱི་གཞི་ཁྱོན་ཆགས། སྐུ་འབུམ་དགོན་པའི་དཔར་ཤིང་ནི་མཁྲེག་ཅིང་ཞིབ་པའི་ཤིང་སྟག་པར་ལས་སྣོན་བྱས་ཏེ་བྱུང་པ་དང་དཔར་ཤིང་གི་དབྱིབས་ཡུལ་གཞན་དག་དང་འདྲ།
སྡེ་དགེའི་དཔར་ཁང།
སྡེ་དགེའི་དཔར་ཁང་ནི་སྡེ་དགེ་རྒྱལ་རབས་བཅུ་གཉིས་པ་ཆོས་རྒྱལ་བསྟན་པ་ཚེ་རིང་གིས་སྤྱི་ལོ1729ལོར་བཞེངས་པ་དང་། སྡེ་དགེ་དགོན་ཆེན་གྱི་ཁོངས་སུ་གཏོགས་པ་དང་བོད་ཀྱི་དཔར་ཁང་ཆེན་མོ་གསུམ་གྱི་གྲས་སུ་གཏོགས།
སྣར་ཐང་དཔར་ཁང་།
ཆིང་རབས་ཀྱི་གོང་མ་ཁང་ཞི་ཡི་དུས་སུ་ཏཱ་ལའི་བླ་མ་སྐུ་ཕྲེང་དྲུག་པ་ཚངས་དབྱངས་རྒྱ་མཚོ་སྐུ་དངོས་ནས་བཀའ་བཀོད་གནང་སྟེ་སྣར་ཐང་དཔར་ཁང་ནས་བཀའ་འགྱུར་གྱི་དཔར་བཞེངས།
ཚོན་རྫ།
ཚོན་རྫ་ཞེས་པ་ནི་ཚོན་མདོག་ཅན་གྱི་རྫ་ཆས་ལ་ཟེར།དེ་ནི་མཚལ་དམར་དང་དབྱང་འགྱུར་མེང་ཚོན་རྫས་བྱས་ཏེ། སྨྱུ་གུས་རྫ་སོན་སྟེང་དུ་རི་མོ་འགོད་པ་དང་། དེ་ནས་དྲོད་ཚད900-1050°ｃཅན་གྱི་ཚ་ཐབ་ནང་དུ་བསྲེགས་པས་ཚོས་གཞི་ཁམ་པའི་ངོས་སུ་ཚོན་མདོག་སྣ་ལྔའི་རི་མོ་ཤར་ནས་བྱུང་བ་དེ་རེད།
པར་བརྐོས་རི་མོ།
པར་ཤིང་དང་། རྡོ། རག་སོགས་རྒྱུ་ཆའི་སྟེང་དུ་བརྐོས་དཀྲོལ་བྱས་རྗེས་པར་དུ་བཏབ་པའི་རི་མོ་ལ་པར་བརྐོས་རི་མོ་ཟེར།
བཟོ་རིག་པ།
བཟོ་རིག་པ་ནི་འབྲེལ་ཡོད་ལག་རྩལ་དང་བཟོ་བཀོད། རོལ་དབྱངས་དང་མཛེས་རྩལ། སྔགས་རྩལ་སོགས་སྒྱུ་རྩལ་གྱི་ནུས་པ་བགྲོད་ཐུབ། དེ་མིན་རིག་གནས་ཆེན་པོ་ལྔའི་ཡ་གྱལ་ཡང་ཡིན།
གསེར་བཟོའི་ལས་ཚོགས།
རིན་ཆེན་གསེར་ཚོགས་སྤྲད་པའི་ལས་ཚོགས་ནི། འབྲུ་བཙོ་དང་ལྗང་བཙོ་གཉིས། སྤྱི་ལ་གཅེས་པའི་བཙོ་སྒམ་མམ་རྫ་བཙོ་ནི། རྫའི་ས་ལེགས་པོ་བཞུ་ནན་ཆགས་ངེས་ཀྱིས་ལ་རྡུང་ཆགས་ནན་དུ་བྱས་པའི་སྒམ་ཆེ་ཆུང་གསེར་ཚོད་དང་བསྟུན་པ། སྲབ་མཐུག་རན་པ། ཆགས་གས་མེད་པ། ཁེབས་གཅོད་དང་བཅས་སོ་ཐེབས་ངེས་བསྲེགས་པ་དགོས།།
སྤོས་སྦྱོར་ལག་ལེན།
སྤོས་ནི་རྩི་ཤིང་དྲི་ཞིམ་ཅན་དང་རྫས་དྲི་ཞིམ་ཅན་གྱིས་བཏགས་པའི་ཕྱེ་མའམ་ཕྱེ་མས་བཟོས་པའི་རེང་བུའི་མིང་སྟེ། གནའ་དུས་སུ་གསོམ་ཤུག་གི་ཐང་ཆུ་ས་འོག་གཏིང་ཟབ་སར་སོང་ནས་རིམ་གྱིས་རྡོར་གྱུར་པ་ཡིན་ཞིང་། རྒྱན་ཆ་དང་དྲི་ཞིམ་གྱི་རྫས་བྱེད་ཆོག་ལ་སྨན་ཡང་བྱེད་ཆོག སྤོས་ནི་བོད་མི་རིགས་ཀྱི་འཚོ་བའི་ཁྲོད་དུ་མེད་མི་རུང་དངོས་རྫས་ཤིག་ཏུ་གྱུར་ཡོད་པ་དང་། མཆོད་ཀང་ནང་དང་། གདོན་བགེགས་འགོག་པ། ཁང་བའི་ནང་གི་མཁའ་དབུགས་གཙང་སེལ་བྱེད་པ་སོགས་གང་ཡིན་རུང་སྤོས་ནི་མེད་དུ་མི་རུང་ངོ་།།
མགར་ལས།
སྐུ་འདྲ་ལུགས་འབེབས་པའི་ལི་མ་བྱེད་ན། རྒྱ་གར་གྱི་ལི་བརྫུས་འདྲ་ཅོག་བྱེད་ན། ཟངས་དམར་སྲང་བརྒྱད་ལ་ཏི་ཚ་སྲང་གང་། སྟོད་གཤའ་ཞོ་གང་བྱས་པས་འགྲུབ། ལི་དཀར་ཟངས་འོལ་བྱེད་ན། དེ་སྟེང་དངུལ་ཞོ་གང་། དོ་དང་། ཕྱེད་གསུམ། གསུམ་རྣམས་རིམ་པས་འདྲ་མིན་རེ་རེ་འབྱུང་། ལི་སེར་བྱེད་ན། ལི་སེར་བྱེད་ན། གསེར་སྐར་ལྔ། སྐར་བདུན།ཞོ་གང་། ཏི་ཚ་ཞོ་གསུམ། ལྔ། བདུན། དགུ་རྣམས་བསྣན་པའི་རིམ་པས་འདྲ་མིན་རེ་རེ་འབྱུང་། ལི་དམར་བྱེད་ན། ཟངས་ཞོ་ལྔ། སྲང་གང་། ཞི་བཅོ་ལྔ་བསྣན་པས་ཁྱད་པར་རེ་རེ་འབྱུང་ངོ་།།
ཐང་གའི་རས་གཞི་བཟོ་བའི་ལག་ཤེས།
ཐང་གའི་རས་གཞི་བཟོ་བ་ལ། རས་གཞིར་འོས་པའི་རས་ནི་ཆབ་མདོའི་ལྷ་བཟོ་དབུ་ཆེན་ཚེ་དབང་བསམ་གྲུབ་སོགས་ཀྱིས། འཇང་རས་དང་། མོན་རས། དབུས་ཀྱི་རས། ཀ་ཤི་ཀ་བཅས་རས་ཀྱི་རིགས་བཞིར་གསུངས་ཀྱང་། དེ་ནི་སྔོན་ཚེ་རས་ཀྱིས་རིགས་འགའ་ཡང་མེད་ལ། ཡོད་པ་དེ་དག་ལས་ཀྱང་ལག་བཏགས་ཀྱི་རས་རྩུབ་འབོར་ཆེ་བས་གཞིར་མི་འོས་པས་གོང་གི་རས་ཀྱི་རྣམ་གྲངས་བཞི་བོ་ཁོ་ན་ཙམ་གསུངས་པར་སྣང་ལ། དེང་དུས་སུ་རས་ཀྱི་རིགས་མང་ཞིང་གོང་གི་རས་རིགས་བཞི་ལས་ཀ་ཤི་ཀ་ཙམ་མ་གཏོགས་མཐོང་རྒྱུ་མེད་པས་ངེས་པ་ཅན་དུ་མ་མཆིས་སོ་སྙམ་མོ། །
ཐལ་བྱང་བཟོ་བའི་ལག་ཤེས།
བོད་ཀྱི་ཡིག་བྲིས་སྦྱོང་བར་ཐོག་མར་ཐལ་བྱང་དུ་འབྲི་དགོས། དེ་ལ་རྒྱུ་མཚན་གཉིས་ཡོད་དེ། གཅིག་ནི་སྔོན་ཚེ་བོད་ཁུལ་དུ་བོད་ཤོག་བཟོ་བའི་ལག་རྩལ་ནི་ལག་བཟོ་ཁོ་ནར་བརྟེན་དགོས་པས། དེང་སང་ལྟ་བུའི་འཕྲུལ་ཆས་སྟབས་བདེ་བོ་དང་ཤོག་བུ་འབེལ་བོ་མེད་ལ། ཤོག་བུའི་རིན་གོང་ཆེ་བ། ཤོག་བུ་ཅུང་ཟད་ཀྱིས་ཡང་ཡང་སྦྱངས་པའི་འབྲི་གཞི་འདང་དཀའ་བ་སོགས་ཀྱིས་ཐོག་མར་ཐལ་བྱང་དུ་མི་སྦྱོང་ཀ་མེད་དང་། གཉིས་ནི་ཐལ་བྱང་དུ་ཡིག་གཟུགས་ལེགས་པོ་འབྲི་ཐུབ་དཀའ་ཞིང་། གལ་སྲིད་ཐལ་བྱང་དུ་ཡིག་གཟུགས་ཚད་དང་ལྡན་པ་ཞིག་ཐོན་ན། ཤོག་བུའི་ངོས་སུ་ཡིག་གཟུགས་ཤིན་ཏུ་ལེགས་པ་ཞིག་འོང་བར་ཐེ་ཚོམ་མེད་པས། དབུས་གཙང་གི་སློབ་ཆུང་དུ་དེང་དུས་ཀྱང་སློབ་ཕྲུག་ཚོ་སློབ་གྲྭར་འགྲོ་བར་རྒྱབ་ཏུ་ཤིང་བྱང་ཞིག་ཁུར་ནས་འགྲོ་བར་མཐོང་བ་དེ་ཡིན།
པར་ཤིང་བརྐོ་བའི་ལག་ཤེས།
ཇོ་དར་པར་ཤིང་གྱེན་དུ་བསླངས་ན་རྐོ་བའི་རིགས་ལ་རྐང་གདན་མེད་ལ་ཡི་གེའི་ལྟག་མགོ་ནས་བར་ལྷུ་ལེན་པ་དང་། ཚེག་མི་དགོས་པར་བཤད་པ་དང་། པར་ཤིང་རྐོ་སྐབས་རྐོ་མཁན་ལས་དྲང་བོར་འདུག་དགོས་ཏེ། ཡོ་འདུག་གིས་ལག་མགོ་འཇོག་སྟངས་ངན་པར་གོམས་ན་ཡི་གེ་ཡོ་འགྲོ་བས། འདུག་སྟངས་དང་ལག་མགོ་འཇོག་སྟངས་ཡང་དག་པས་ཡི་གེའི་ཆེ་བཅད་གྲུ་བཞིའི་དབྱིབས་སུ་བརྐོས་ནས། ཡི་གེ་ལ་ཡོ་འགྱིང་མེད་པ་རྒྱལ་བོ་ཁྲི་ལ་བཞུགས་པ་བཞིན་རང་ཚུགས་ཟིན་པ་ཞིག་དགོས་ཚུལ་དང་། ལྷ་རིས་ཀྱི་རི་མོ་ཕྲ་ཞིབ་དང་སྤྱན་སོགས་རྐོ་སྐབས། འུར་སྒྲ་དང་སེམས་འཁྲུགས་པ་མེད་པ། སྐར་ཁུང་ཁ་ལྷོར་བསྟན། ཤར་ཕྱེས་ཤིང་མདུན་རི་ལ་ནགས་ཚལ་ཡོད་པ། ནམ་མཁའ་གཡའ་དྭངས་ཤིང་སྤྲིན་དཀར་ཕྱུར་བའི་ཉིན་ཕྱེད་རྟའི་དུས་ལ་བརྐོས་ན། གསལ་ཆ་ཆེ། རིག་པ་དྭངས། རྣམ་གཡེང་སྤང་། ངལ་དུབ་མེད་པ་སོགས་ཀྱིས་རྐོས་ལེགས་པོ་འོང་བ་དང་། ཡི་གེ་རྐོ་བར། པར་རྩ་ལེགས་པ་རྣམས་དཀར་ཆ་དང་ནག་ཆ་མཉམ་པར་བརྐོ། བྲིས་ངན་དག་ནག་ཆ་ལས་དཀར་ཆ་ལྡབ་ཕྱེད་ཉིས་ཆེ་བར་བྱས་ཏེ་པར་རྐོ་མཁས་པས་གང་དགོས་ལྟར་སྨྱུག་ཁམ་སྤོ་སྣུར་གྱིས་ལེགས་པར་བཅོས་ཆོག་པ་སོགས་ནི་དཔར་རྐོ་མཁན་པོའི་ཞལ་རྒྱུན་ཡིན་ནོ། །
བཅད་པིར་བཟོ་བའི་ལག་ཤེས།
བཅད་པིར་བཟོ་བའི་རྒྱུ་ནི་སྲེ་མོང་ཤེད་བཟང་ཞིག་གི་པགས་པ་གྲ་མ་ཉམས་པའི་རྔ་མ་དང་སྒལ་བའི་སྤུ་རྩུབ་པོ་འོད་དང་ལྡན་པ་རྒྱ་ཁབ་དང་འདྲ་བ་དེ་ནི་པིར་གྱི་རྒྱུ་ཆས་ཀྱི་མཆོག་སྟེ། རྒྱ་བོད་ཀུན་ལ་དེ་ལས་ལྷག་པ་མེད་དོ། ། བཅད་པིར་ལེགས་པའི་ཚད་ནི། ཟླུམ་གོར་སོགས་ཀྱི་རི་མོ་ཇི་ལྟར་བྲིས་ཀྱང་ཉིས་རིས་མི་འབྱུང་ཞིང་། ཆུར་ཅི་ཙམ་སྦངས་ཀྱང་ཤེད་ཡོད་པ། བཅད་རིས་སྦོམ་ཕྲ་གང་འདོད་འབྱུང་བ་དེ་ཡིན་ཞིང་། པིར་བཟང་ངན་གྱིས་ལྷ་བཟོ་ལ་ཕན་གནོད་ཆེ་སྟེ། ཇི་སྐད་དུ། པིར་གྱི་མཚོན་ཆ་མི་བཟང་བའི། ། རི་མོར་གཟབ་པ་བཟོ་བོ་འཁྲུལ། ། ཞེས་དང་། ཡང་། ལྷ་བཟོའི་པིར་འགོ་བུ་ལས་གཅེས། ། ཅི་མ་ཡིན་ལ་མི་གཅེས་ཏེ། ། ལྷ་བཟོ་མགོ་ཐོན་པིར་གྱིས་བྱེད། ། སོགས་ཀྱི་ཁ་རྒྱུན་སྣང་བ་ལྟར། པིར་བཟོ་ལ་མཁས་གྱུར་ན་གང་འདོད་པའི་རི་མོའམ་ཡིད་བཞིན་དུ་འབྱུང་བ་ཡིན་ནོ། །
བཅད་ཀྱི་ལག་ཤེས།
བཅད་རྒྱག་པ་ནི་བོད་དང་རྒྱ་ནག་གི་རི་མོའི་ཁྱད་ཆོས་ཏེ་རི་མོའི་བཞག་སོ་ཡང་ཡིན་མོད། སྐྱ་རིས་དང་ཚོན། མདངས་ཐམས་ཅད་ཇི་ལྟར་ལེགས་ཀྱང་བཅད་རིས་ངན་ན་བརྫད་ངེས་པས་བཅད་ལེགས་པ་གལ་ཆེ། སྤྱིར་བཟོ་རྒྱུ་བཟང་ངན་བཟོ་བོ་ཐམས་ཅད་ལ་འབྱུང་ཡང་། བྱང་ཆ་ཆེ་ཆུང་ནི་བརྩོན་འགྲུས་ལ་རག་ལས་ཤིང་། བཅད་རིས་བཟང་ངན་དེ་པིར་རིས་ཀྱི་བྱང་ཚད་ཡིན་པས། རྟག་པར་པིར་གྱི་རི་མོ་སྦྱངས་པ་ནི་བཅད་རིས་བཟང་བོ་འབྱུང་བའི་ཐབས་ལམ་ཉག་གཅིག་གོ ། །
བོད་ཤོག་བཟོ་བའི་ལག་ཤེས།
ཤོག་བུ་བཟོ་བའི་རྒྱུ་ལ་རབ་འབྲིང་ཐ་གསུམ་ཡོད་པ་ལས་རབ་ནི། ཤོག་ལྡུམ་དུང་ལོ་མ་དེ་ཡིན་ཞིང་། དེ་ཡང་ས་ནག་དང་ཤུག་ཁྲོད་སོགས་རྫ་དང་བྲག་མེད་པའི་སར་སྐྱེས་པ་དེ་བཟང་སྟེ། བྱེ་མ་དང་ས་དམར་གཡམ་པའི་ནང་དུ་སྐྱེས་པ་ནི་རྒྱུ་སྲ་ཞིང་ཚོས་དཀའ་བ་ཁ་དོག་སེར་བ་ཡིན་པས་འབྲིང་བོ་དང་། ཤུན་པ་མཐུག་ཅིང་འབུ་ཡོད་པ་ནི་དམན་པར་བཤད་དོ། །
མདངས་ཀྱི་ལག་ཤེས།
སྤྱིར་མདངས་ལ་སྐམ་མདངས་དང་རློན་མདངས་གཉིས་སུ་དབྱེ་ཞིང་། སྐམ་མདངས་ལ་ནང་གསེས་བཙག་མདངས་དང་། འབར་མདངས། བཤལ་མདངས་གསུམ་དང་། རློན་མདངས་ལ་སྐྱ་མདངས་དང་། ཆུ་མདངས་དང་། རོབ་མདངས་གསུམ་ཏེ་དབྱེ་བ་དྲུག་ཙམ་མཆིས།
ཚོན་ཆེན་བཙོ་འདུལ་སྦྱོར་གསུམ་གྱི་ལག་ཤེས།
གསེར་བཙོ་སྤྲད་བྱེད་པ་ལ་འབྲུ་བཙོ་དང་ལྗང་བཙོ་གཉིས་ཡོད་དེ། གཉིས་ཀ་གང་བྱེད་ཀྱང་ཐོག་མར་རྫ་ས་སྤུས་ལེགས་ཀྱིས་བཙོ་སྒམ་སྲབ་མཐུག་དང་གས་ཆག་མེད་པ། བཙོ་བྱ་གསེར་གྱི་མང་ཉུང་དང་འཚམས་ཤིང་ཁེབས་གཅོད་རང་འགྲིགས་ཡོད་པ་ཞིག་བཟོས་ནས། སེ་ཐེབས་ཀྱིས་མེར་བསྲེགས། དེ་ནས་རྫ་མ་གསར་བ་མདོག་དམར་པོ་སྤྱོད་མ་མྱོང་བ་ཞིག་ཞིབ་ཏུ་བཏགས་པའི་ཕྱེ་མ་ལ་ཚྭ་དཀར་ལྷད་མེད་ལྔ་ཆའི་གཅིག་དང་མཚུར་ནག་ཚྭ་འདེབས་ཙམ་བསྲེས་ནས་ཞིབ་ཏུ་བཏུལ་བ་ལ་བཙོ་ཐལ་ཞེས་ཟེར་ཞིང་། གསེར་འབྲུ་བཙོ་དང་ལྗང་བཙོ་གཉིས་ཀར་མེད་དུ་མི་རུང་བ་སྟེ། དེ་བཙོ་སྒམ་དུ་གྲི་ལྟག་མཐུག་ཤོས་ཙམ་ཁོད་སྙོམས་པར་བཀྲམ་པའི་སྟེང་དུ། འབྲུ་བཙོ་བྱས་ན་གསེར་འབྲུ་ཐིག་པའམ། བྱེ་གསེར་དངུལ་ཆུ་དང་བྲལ་བ་དེ་དག་གཅིག་གིས་གཅིག་ལ་མ་རེག་པར་བཀོད་པའི་སྟེང་དུ་བཙོ་ཐལ་སྔ་མའི་སྲབ་མཐུག་ཙམ་བཀབ་ལ་ཡང་དུ་གསེར་གོང་ལྟར་བཀྲམ། དེའི་སྟེང་དུ་ཡང་གཅིག་སྟེ་རིམ་པ་གསུམ་ལས་མང་མི་ཉན། དེ་ལྟར་གསེར་ཕན་ཚུན་དང་ཕྱིའི་སྒམ་ལ་མ་རེག་པར་བཙོ་ཐལ་གྱིས་བར་གསེང་བཀང་ལ་ཁེབས་གཅོད་བཀབ། བར་མཚམས་ཚྭ་འདམ་དང་སོལ་ཕྱེ་བསྲེས་མས་ཞལ་བ་ལེགས་པར་བྱ། སྐམ་ནས་གས་བྱུང་ན་ཞལ་བ་ཡང་ཡང་བྱས་ཏེ་གསེང་མེད་པར་བྱ། དེ་ནས་རྫ་མ་ཞབ་རྡོལ་ཆེན་པོ་ཞིག་གི་ནང་དུ་རྫ་སའི་རྐང་གསུམ་བཙུགས་པའི་ཁར་བཙོ་སྒམ་བཞག རྫ་མའི་ནང་ཤིང་དང་སོལ་བས་བཀང་། ཕྱོགས་ཡོངས་ནས་རྫ་མའི་ནང་རླུང་རྒྱུ་བའི་བུ་ག་གཏོད། བོང་མེ་བསྲེག་ཀྱང་རུང་བ་ལ་རླུང་ཆེན་ལྡང་ན་ཚ་དྲགས་པའི་ཉེན་ཁ་ཡོད་པས། རླུང་ཆེན་མི་ལྡང་བ་བྱས་ཤིང་མེ་སྤར་ནས་ཉིན་ཞག་གཅིག་བསྲེགས་རྗེས་གྲང་བ་དང་ཁ་ཕྱེ་ལ་བཙོ་ཐལ་ཆུས་བཀྲུས་ནས་བླངས་ཏེ་བཞུ་བླུག་སོགས་གང་དགོས་སྤྱད་ན་འགྲིག་གོ ། །
| བཟོ་རྩལ། བརྡ་འགྲེལ 174 ཡོད། |